പാലക്കാട് ഒലവക്കോട് വീടിന്റെ ചായ്പ്പിൽ നിന്നും പുലിക്കുഞ്ഞുങ്ങളെ കണ്ടെത്തി. ഉമ്മിനിയിൽ തകർന്ന വീടിനുള്ളിലാണ് പുലിക്കുഞ്ഞുങ്ങളെ കണ്ടെത്തിയത്. പുലിക്കുഞ്ഞുങ്ങളെ വനംവകുപ്പ് ഉദ്യോഗസ്ഥർ ഡിഎഫ്ഒ ഓഫിസിലേക്ക് കൊണ്ടുപോയി. പതിനഞ്ച് ദിവസം പ്രായമായ രണ്ട് പുലിക്കുഞ്ഞുങ്ങളെയാണ് കണ്ടെത്തിയത്.  ഡിഎഫ്ഒ ഓഫീസിൽ എത്തിച്ച പുലിക്കുഞ്ഞുങ്ങൾക്ക് ആവശ്യമായ പരിചരണങ്ങൾ നൽകി വരികയാണ്.  വനമേഖലയോട് ചേർന്ന് കിടക്കുന്ന പ്രദേശമാണ് ഉമ്മിനി. പുലിക്കുഞ്ഞുങ്ങളെ കണ്ടതോടെ ആശങ്കയിലാണ് പ്രദേശവാസികൾ.