കൊല്ലത്ത് പത്താം ക്ലാസുകാരിയായ ആദിവാസി പെണ്‍കുട്ടിയെ ലൈംഗികമായി പീഡിപ്പിച്ച് ​ഗർഭിണിയാക്കിയ കേസില്‍ രണ്ട് യുവാക്കൾ കൂടി അറസ്റ്റില്‍. ആദിവാസി വിഭാഗത്തില്‍പ്പെട്ട യുവാക്കളാണ് അറസ്റ്റിലായത്. രമാ കണ്ണന്‍, കണ്ണന്‍ ദാസ് എന്നിവരാണ് പിടിയിലായത്. ഇവരെ ഇന്ന് കോടതിയില്‍ ഹാജരാക്കും.പെണ്‍കുട്ടി ഇപ്പോള്‍ എട്ടുമാസം ഗര്‍ഭിണിയാണ്. പെണ്‍കുട്ടിയെ പീഡിപ്പിച്ച മറ്റൊരു പ്രതി ജയകൃഷ്ണനെ നേരത്തെ അറസ്റ്റ് ചെയ്തിരുന്നു.

പമ്പാ സ്റ്റേഷന്‍ പരിധിയിലാണ് ഈ സംഭവം നടന്നത്. പ്രതികള്‍ പെണ്‍കുട്ടിയുടെ രക്ഷിതാക്കള്‍ക്ക് മദ്യം നല്‍കി സൗഹൃദത്തിലായി. പിന്നീട് ഇവര്‍ ഈ വീട്ടിലെ നിത്യ സന്ദര്‍ശകരായി മാറുകയായിരുന്നു.വയറുവേദനയ്ക്ക് ചികിത്സ തേടി ആശുപത്രിയിലെത്തിയപ്പോഴാണ് പത്താം ക്ലാസുകാരി ഗര്‍ഭിണിയാണെന്ന് കണ്ടെത്തിയത്. പെണ്‍കുട്ടിയെ കൊല്ലത്തെ സംരക്ഷണ കേന്ദ്രത്തിലേക്ക് മാറ്റി.