നേതാവ് പാടിയ മരപ്പൊട്ടൻ പാട്ടും അന്തംകമ്മി മഞ്ഞ പോർട്ടലുകളുടെ ശൂപ്പർ ശുഡാപ്പി ശ്റ്റാറും! മാസങ്ങൾക്കു മുൻപ് പ്രിയങ്കരനായ ഒരു നേതാവ് എന്റെയൊരു പാട്ട് എടുത്ത് ഒരു തത്സമയ ചർച്ചയിൽ വെച്ചലക്കിയെന്ന വിമർശനവുമായി ശ്രീജിത്ത് പണിക്കർ. അദ്ദേഹത്തിന്റെ ഫേസ്ബുക്ക് കുറിപ്പിന്റ പൂർണ്ണ രൂപം ഇങ്ങനെ; നേതാവ് പാടിയ മരപ്പൊട്ടൻ പാട്ടും അന്തംകമ്മി മഞ്ഞ പോർട്ടലുകളുടെ ശൂപ്പർ ശുഡാപ്പി ശ്റ്റാറും!

മാസങ്ങൾക്കു മുൻപ് പ്രിയങ്കരനായ ഒരു നേതാവ് എന്റെയൊരു പാട്ട് എടുത്ത് ഒരു തത്സമയ ചർച്ചയിൽ വെച്ചലക്കി. 'മുണ്ടകൻ കൊയ്ത്തുകഴിഞ്ഞ് ആറ്റക്കിളി പോകുന്നേരം' എന്ന വരികളുടെ ഈണത്തിൽ ഞാനെഴുതിയത് 'ഈവനിങ് തള്ളുകഴിഞ്ഞ് മരപ്പൊട്ടൻ പോകുന്നേരം' എന്നായിരുന്നു.

ഇത് വായിച്ച ശേഷം നേതാവ് എന്നോടു ചോദിച്ചു, വൈകുന്നേരം പത്രസമ്മേളനം നടത്തുന്ന മുഖ്യമന്ത്രിയെ താൻ അപമാനിച്ചില്ലേടോ എന്ന്. എന്റെ മറുപടി നിസ്സാരമായിരുന്നു—പാട്ട് മുഖ്യമന്ത്രിയെ കുറിച്ചാണെന്ന് ഞാൻ പറഞ്ഞോ? വൈകുന്നേരം അദ്ദേഹം തള്ളുമെന്ന് ഞാൻ പറഞ്ഞോ? മരപ്പൊട്ടൻ എന്നു പറഞ്ഞാൽ അതെങ്ങനെ മുഖ്യമന്ത്രിയാകും? മുഖ്യമന്ത്രിയെ മരപ്പൊട്ടൻ എന്നു വിളിച്ച് ആരും അദ്ദേഹത്തെ ആക്ഷേപിക്കാൻ പാടില്ല എന്നുംകൂടി ഞാൻ പറഞ്ഞു.

അതുപോലെ ഒരു സിനിമയെക്കുറിച്ച് പോസ്റ്റിട്ട് പിൻവലിച്ച് വീണ്ടും പോസ്റ്റിട്ട് പിൻവലിച്ച ഒരു ശൂപ്പർ ശുടാപ്പി ശ്റ്റാറിനെ കുറിച്ച് പോസ്റ്റിട്ടപ്പോൾ ചില അന്തംകമ്മി മഞ്ഞ പോർട്ടലുകൾ ഇറങ്ങിയിരിക്കുന്നു സിനിമ ഏതെന്നും ആൾ ആരെന്നും തങ്ങൾക്ക് അറിയാമെന്നു പറഞ്ഞുകൊണ്ട്.
എന്റെ ചോദ്യങ്ങൾ അവരോടാണ്:

[1] സിനിമ ഏതെന്ന് ഞാൻ പറഞ്ഞോ?

[2] നിങ്ങൾ ഉദ്ദേശിച്ച ആൾ നിങ്ങൾ ഉദ്ദേശിച്ച സിനിമയെക്കുറിച്ച് ഞാൻ പോസ്റ്റിൽ പറഞ്ഞതുപോലെ രണ്ട് പോസ്റ്റുകൾ ഇട്ട് രണ്ടും മുക്കിയോ?

[3] ല്യാഡി ശൂപ്പർ ശുടാപ്പി ശ്റ്റാർ എന്നുവച്ചാൽ അത് നിങ്ങൾ ഉദ്ദേശിച്ച ആളാകുമോ?

[4] നിങ്ങൾ ഉദ്ദേശിച്ച ആൾ അതിനു ശുടാപ്പി ആണോ?

[5] ശുടാപ്പി എന്നത് അപമാനകരം ആണെന്നാണോ നിങ്ങൾ പറയുന്നത്? അത് കമ്മി, സംഘി, കൊങ്ങി പോലെയുള്ള പേരല്ലേ? എടായെടാ, ആ നേതാവിനെപ്പോലെ ആവല്ലേടാ നീയൊക്കെ.