കോവിഡിന് കഞ്ചാവ് ചികിത്സ! ഇങ്ങനെ ഒരു തലക്കെട്ട് വന്നാലും അത്ഭുതമില്ല. ഏതാണ്ട് ഈ വഴിക്കാണ് ചില അന്താരാഷ്ട്ര മാധ്യമങ്ങളെന്ന് ഡോ. സുൽഫി നൂഹ്. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; കോവിഡിന് കഞ്ചാവ് ചികിത്സ! ഇങ്ങനെ ഒരു തലക്കെട്ട് വന്നാലും അത്ഭുതമില്ല. ഏതാണ്ട് ഈ വഴിക്കാണ് ചില അന്താരാഷ്ട്ര മാധ്യമങ്ങൾ. അങ്ങ് ന്യൂയോർക്ക് ടൈംസ് മുതൽ വലിയ വലിയ പേരുകളുള്ള പല മാധ്യമ ഭീകരന്മാർക്കും ഇതൊക്കെ ഒരു രസമാണ്.

സയൻസ് മാഗസിനിൽ വന്ന ഈ പഠനത്തിൽ പറയുന്നത് എലികളുടെ ശ്വാസകോശത്തിൽ കോവിഡ് വൈറസിന്റെ പ്രവർത്തനത്തെ മന്ദീഭവിപ്പിക്കുന്നുവെന്നുമാത്രം. വലിക്കുന്ന കഞ്ചാവ് , കഞ്ചാവ് ഓയിൽ ഒന്നും ഇത്തരം പ്രവർത്തനങ്ങൾ ചെയ്യുന്നില്ല എന്ന ശാസ്ത്രീയ ലേഖനം തന്നെ അടിവരയിട്ട് പറയുന്നുണ്ട് താനും.

ഇനി ഇതൊക്കെ വായിച്ചിട്ടാണ് മയക്കുമരുന്ന് ദുരുപയോഗം എന്ന് വിശ്വസിക്കാൻ പ്രയാസമാണ്. എന്നാലും എവിടെയൊക്കെയോ കഞ്ചാവ് മരുന്നായി ഉപയോഗിക്കുന്നുവെന്ന അവകാശവാദം ചിലരുടെ നാവിൻ തുമ്പത്ത് ഞാൻ കണ്ടു.

അങ്ങനെ എലിയിൽ ചെറിയ പ്രവർത്തനങ്ങൾ കണ്ടതുകൊണ്ട് മനുഷ്യനിൽ പ്രയോഗിക്കുന്ന ഒരു രീതിയല്ല .മരുന്നുകളെ കുറിച്ചുള്ള ഗവേഷണ രീതി. അനേകം ആൾക്കാരിൽ പഠനങ്ങൾ നടത്തി വീണ്ടും വീണ്ടും വീണ്ടും പുനർവിചിന്തനം ചെയ്താണ് ചികിത്സ ഉണ്ടാകുന്നത്.

മരുന്ന് ഗവേഷണത്തിൻറെ എല്ലാ ഘട്ടങ്ങളും പരിപൂർണ്ണമായി കടന്നു വന്നാലേ മരുന്ന് മരുന്നാകൂ. അതിനുപകരം വലിച്ചു കേററുന്ന എന്തെങ്കിലും സാധനം എടുത്തുപയോഗിച്ചാൽ അടിമയാകും. ഉറപ്പ്. ഡോ സുൽഫി നൂഹു.