കളിച്ചു കൊണ്ടിരിക്കെ രണ്ടുമാസം പ്രായമുള്ള ആട്ടിന്‍കുട്ടി വീണത് മുപ്പത് അടി താഴ്ചയുള്ള കിണറ്റിലേക്ക്.... രക്ഷകയായത് പതിമൂന്നുകാരി....
കളിച്ചു കൊണ്ടിരിക്കെ രണ്ടുമാസം പ്രായമുള്ള ആട്ടിന്‍കുട്ടി വീണത് മുപ്പത് അടി താഴ്ചയുള്ള കിണറ്റിലേക്ക്.... രക്ഷകയായത് പതിമൂന്നുകാരി....
കഴിഞ്ഞ ദിവസം മാഞ്ഞൂരില്‍ 30 അടി താഴ്ചയുള്ള കിണറ്റില്‍ വീണ ആട്ടിന്‍കുട്ടിയെയാണ് പതിമൂന്നുകാരി കിണറ്റിലിറങ്ങി രക്ഷപ്പെടുത്തിയത്.
മാഞ്ഞൂരിലെ അഗതിമന്ദിരം മരിയന്‍ സൈന്യം നടത്തുന്ന മാഞ്ഞൂര്‍ കിഴക്കേടത്ത് പ്രായില്‍ ലിജുവിന്റെയും ഷൈനിയുടെയും മകളായ ഏഴാം ക്ലാസ് വിദ്യാര്‍ഥിനി അല്‍ഫോന്‍സ ലിജുവാണ് കിണറ്റില്‍ ഇറങ്ങി ആട്ടിന്‍കുട്ടിയെ രക്ഷപ്പെടുത്തിയത്.
ചുറ്റുമതിലുളള വലയിട്ടിരുന്ന കിണറിന്റെ മതിലിലൂടെ ഓടിക്കളിക്കുന്നതിനിടയിലാണ് ആട്ടിന്‍കുട്ടി കിണറ്റില്‍ വീഴുന്നത്. ഒച്ചകേട്ട് ഓടിയെത്തിയ വീട്ടുകാര്‍ മണിക്കുട്ടി മുങ്ങിത്താഴുന്നതാണ് കണ്ടത്. ഉടന്‍തന്നെ അയല്‍വാസി കിണറ്റില്‍ ഇറങ്ങിയെങ്കിലും പകുതിയോടെ ഇറങ്ങാനാകാതെ കയറിപ്പോന്നു.
തുടര്‍ന്ന് അല്‍ഫോന്‍സാ കയറില്‍പ്പിടിച്ചു കിണറ്റിലിറങ്ങി കൊട്ടയ്ക്കകത്ത് ആടിനെയിരുത്തി കരക്കെത്തിക്കുകയായിരുന്നു. ഈ സമയം സമീപവാസികളില്‍ ചിലരും കിണറ്റില്‍ ഇറങ്ങി അല്‍ഫോന്‍സയ്ക്കു സഹായം നല്‍കി. പത്തടിയോളം വെള്ളമുള്ള കിണറാണിത്.
കുറുപ്പന്തറ സെന്റ് സേവ്യേഴ്സ് വി.എച്ച്.എസ്.ഇ. സ്‌കൂളിലെ വിദ്യാര്‍ഥിനിയാണ് അല്‍ഫോന്‍സ. മണിക്കുട്ടി അല്‍ഫോന്‍സയുടെ പ്രിയപ്പെട്ട ആട്ടിന്‍കുട്ടിയാണ്. മണിക്കുട്ടിയെ കൂടാതെ അല്‍ഫോന്‍സയുടെ സഹോദരങ്ങളായ ഗോഡ്വിന്‍, ആഗ്നസ്, ഗോഡ്സണ്‍ എന്നിവരുടേതായി മണിക്കുട്ടന്‍, ചെമ്പന്‍, കുട്ടിമാണി എന്നീ മൂന്ന് ആട്ടിന്‍കുട്ടികളും കൂടിയുണ്ട് ലിജുവിന്റ വീട്ടിലുള്ളത്.അല്‍ഫോന്‍സയുടെ മനോധൈര്യമാണ് ആ കുഞ്ഞ് ആട്ടിന്‍ കുട്ടിക്ക് രക്ഷയായത്.
"
https://www.facebook.com/Malayalivartha
