വളരെ ഞെട്ടിക്കുന്ന സംഭവമാണ് കഴിഞ്ഞ ദിവസം കാരക്കോണത്ത് നിന്നും പുറത്ത് വന്നത്. തുറ്റിയോട്ട്കോണം കുളത്തിൽ പുരുഷന്റെ അജ്ഞാത മൃതദേഹം കണ്ടെത്തിയതോടെ നടുങ്ങിയിരിക്കുകയാണ് നാട്ടുകാർ. രാവിലെ പ്രദേശവാസികളാണ് മൃതദേഹം കണ്ടെത്തിയത്.  ഷർട്ട് മാത്രം ധരിച്ച നിലയിൽ കണ്ടെത്തിയ മൃതദേഹത്തിന് അ‌ഞ്ച് ദിവസത്തിലധികം പഴക്കമുണ്ടെന്നാണ് പ്രാഥമിക നിഗമനം. സംഭവത്തിൽ വെള്ളറട പൊലീസ് സ്ഥലത്തെത്തി പരിശോധന നടത്തി. ശേഷം മൃതദേഹം ഇപ്പോൾ തിരുവനന്തപുരം മെഡിക്കൽ കോളേജ് ആശുപത്രി മോർച്ചറിയിലേയ്ക്ക് മാറ്റിയിരിക്കുകയാണ്.