പാലക്കാട് ഒരു കുടുംബത്തിലെ നാല് പേര്‍ പുഴയില്‍ ചാടി ആത്മഹത്യ ചെയ്തു. പാലക്കാട് ജില്ലയിലെ ലക്കിടിയിലാണ് അതിദാരുണമായ ഈ സംഭവം നടന്നത്. പുഴയില്‍ ചാടിയ നാല് പേരിൽ മൂന്ന് പേരുടെ മൃതദേഹം കണ്ടെത്തിയിട്ടുണ്ട്. കൂത്തുപാത സ്വദേശി അജിത്,​ ഭാര്യ ബിജി,​ മകള്‍ പാറു എന്നിവരാണ് മരിച്ചത്.

ഇനി ഒരാളെ കൂടി കണ്ടെത്താനുണ്ട്. ഒരാള്‍ക്കായി തിരച്ചില്‍ തുടരുകയാണ്. അജിത്തിന്റെ മറ്റൊരു മകള്‍ അശ്വനന്ദയെയാണ് ഇനി കണ്ടെത്താനുള്ളത്. ഇവരുടെ ആത്മഹത്യ കുറിപ്പ് കണ്ടെത്തിയിട്ടുണ്ട്. 2012ല്‍ അമ്മാവനെ കൊലപ്പെടുത്തിയ കേസിലെ പ്രതിയാണ് മരിച്ച അജിത്. ഈ കേസിന്റെ വിചാരണ നടക്കുകയാണ്. ഇതിന്റെ മനോവിഷമത്തിലാണ് ആത്മഹത്യയെന്നാണ് കുറിപ്പിൽ പറയുന്നത്.