ഒറ്റപ്പെട്ട ശക്തമായ മഴയ്ക്ക് സാധ്യത; നാലു ജില്ലകളില് യെല്ലോ അലര്ട്ട് പ്രഖ്യാപിച്ചു; ശക്തമായ കാറ്റിന് സാധ്യതള്ളതിനാൽ മത്സ്യബന്ധനത്തിന് പോകരുതെന്ന് ജില്ലാഭരണകൂടത്തിന്റെ മുന്നറിയിപ്പ്
തിരുവനന്തപുരം ഉള്പ്പെടെ നാലു ജില്ലകളില് മാര്ച്ച് മൂന്നിന് ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. തിരുവനന്തപുരത്തെ കൂടാതെ കൊല്ലം, പത്തനംതിട്ട, ഇടുക്കി ജില്ലകളിലാണ് മഴയ്ക്ക് സാധ്യത. ഈ നാലുജില്ലകളിലും യെല്ലോ അലര്ട്ട് പ്രഖ്യാപിച്ചു. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിച്ചേക്കുമെന്നാണ് പ്രവചനം.
തിരുവനന്തപുരം ജില്ലയില് മാര്ച്ച് മൂന്നിന് 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെയുള്ള ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പുള്ളതിനാല് ജില്ലയില് അതെ ദിവസം മഞ്ഞ അലര്ട്ട് പ്രഖ്യാപിച്ചതായി ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
ഫെബ്രുവരി 27ന് തെക്കന് തമിഴ്നാട് തീരം, ഗള്ഫ് ഓഫ് മാന്നാര് എന്നിവിടങ്ങളില് മണിക്കൂറില് 30 മുതല് 40 കിലോമീറ്റര് വരെ വേഗതയില് വീശി അടിക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ സാഹചര്യത്തില് മേല്പ്പറഞ്ഞ പ്രദേശങ്ങളില് മത്സ്യബന്ധനത്തിന് പോകാന് പാടില്ലെന്ന് ജില്ലാ കളക്ടര് നവജ്യോത്ഖോസ അറിയിച്ചു.
ഇന്നും നാളെയും തെക്ക് ആന്ഡമാന് കടലിലും അതിനോട് ചേര്ന്നുള്ള തെക്ക് - കിഴക്ക് ബംഗാള് ഉള്ക്കടലിലും മാര്ച്ച് ഒന്നിന് തെക്കന് ബംഗാള് ഉള്ക്കടലിന്റെ മധ്യഭാഗത്തും മാര്ച്ച് രണ്ടിന് തെക്കന് തമിഴ്നാട് തീരം, തെക്ക് പടിഞ്ഞാറന് ഗള്ഫ് ഓഫ് മാന്നാര് അതിനോട് ചേര്ന്നുള്ള തെക്ക് - കിഴക്ക് ബംഗാള് ഉള്ക്കടല് എന്നിവിടങ്ങളിലും മാര്ച്ച് മൂന്നിന് തെക്ക് പടിഞ്ഞാറന് ബംഗാള് ഉള്ക്കടല്, ഗള്ഫ് ഓഫ് മാന്നാര്, തമിഴ്നാട് തീരം, തെക്കന് ആന്ധ്രാ പ്രദേശ് തീരം എന്നിവിടങ്ങളിലും മണിക്കൂറില് 40-50 കിലോമീറ്റര് വേഗത്തിലും ചില അവസരങ്ങളില് 60 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്നും കേന്ദ്ര കാലാവസ്ഥ വകുപ്പ് മുന്നറിയിപ്പുണ്ട്.
ഈ സാഹചര്യത്തില് ഈ ദിവസങ്ങളില് മേല്പ്പറഞ്ഞ പ്രദേശങ്ങളില് മല്സ്യബന്ധനത്തിന് പോകരുതെന്നും കളക്ടര് അറിയിച്ചു. അതേസമയം കേരള - കര്ണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്നും അറിയിപ്പില് പറയുന്നു.
തിരുവനന്തപുരം ജില്ലയില് മാര്ച്ച് മൂന്നിന് 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെയുള്ള ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പുള്ളതിനാല് ജില്ലയില് അതെ ദിവസം മഞ്ഞ അലര്ട്ട് പ്രഖ്യാപിച്ചതായി ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
https://www.facebook.com/Malayalivartha
