സാമൂഹിക മാദ്ധ്യമങ്ങളിലൂടെ പരിചയം, പിന്നാലെ യുവാവ് പ്രണയം നടിച്ച്‌ പതിനാലുകാരിയെ വലയിലാക്കി, ബൈക്കില്‍ കയറ്റി ബീച്ചിലും മറ്റ് പലയിടങ്ങളിലും എത്തിച്ച്‌ പീഡിപ്പിച്ചു, ഇരുപത്തിയൊന്നുകാരനെ തൂക്കിയെടുത്ത് പോലീസ്..!
19 MARCH 2022 02:52 PM IST
മലയാളി വാര്‍ത്ത
സോഷ്യല്‍ മീഡിയ വഴി പരിചയപ്പെട്ട 14കാരിയെ പീഡിപ്പിച്ച കേസില്‍ 21കാരന്‍ അറസ്റ്റില്. ഹാജിയാര്‍പള്ളി മച്ചിങ്ങല്‍ മുഹമ്മദ് ഹിഷാമിനെ ആണ് കഴിഞ്ഞ ദിവസം മഞ്ചേരി പോലീസ് അറസ്‌റ്റ് ചെയ്‌തത്‌.മഞ്ചേരിയിലാണ് സംഭവം. 2021 ഡിസംബറിലാണ് കേസിനാസ്‌പദമായ സംഭവം.
സാമൂഹിക മാദ്ധ്യമങ്ങളിലൂടെ പരിചയപ്പെട്ട കുട്ടിയെ യുവാവ് പ്രണയം നടിച്ച്‌ വശീകരിക്കുകയായിരുന്നു.ശേഷം ബൈക്കില്‍ കയറ്റി ബീച്ചിലും മറ്റും കൊണ്ടു പോവുകയും ചെയ്‌തിരുന്നു. പ്രതി പിന്നീട് പ്രണയം നടിച്ച്‌ പലയിടത്ത് എത്തിച്ച്‌ പീഡിപ്പിക്കുകയായിരുന്നു എന്ന് പോലീസ് പറഞ്ഞു.
കുട്ടിയുടെ പരാതിയെ തുടര്‍ന്ന് മഞ്ചേരി പോലീസ് ഇന്‍സ്‌പെക്‌ടര്‍ സി.അലവിയുടെ നിര്‍ദ്ദേശ പ്രകാരം എസ്‌ഐ ഖമറുസമാന്‍ ആണ് പ്രതിയെ അറസ്‌റ്റ് ചെയ്‌തത്‌. എസ്.ഐ വിസി കൃഷ്‌ണനാണ് കേസന്വേഷിക്കുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
