എത്രയൊക്കെ പിടിച്ചാലും സ്വര്ണക്കടത്തിന് മാത്രം ഒരു കുറവുമില്ല. ഇപ്പോഴിതാ നെടുമ്പാശേരി വിമാനത്താവളത്തിൽ വൻ സ്വർണവേട്ട വർത്തയാണ് പുറത്ത് വരുന്നത് . 225 പവനോളം സ്വർണവുമായി മൂന്ന് യാത്രക്കാരെയാണ് കസ്റ്റംസ് പിടികൂടിയത്. ബാഗേജിനുള്ളിലും ശരീരത്തിലുമായി ബിസ്കറ്റ് രൂപത്തിൽ ഒളിപ്പിച്ചാണ് കടത്താൻ ശ്രമിച്ചത്. കസ്റ്റംസ് അധികൃതർ നടത്തിയ പരിശോധനയിലാണ് സ്വർണം പിടിച്ചെടുത്തത്. പിടിയിലായവർ എവിടത്തുകാരാണെന്ന് വ്യക്തമല്ല. ഇവരെ ചോദ്യം ചെയ്യുകയാണ്. സ്വർണക്കടത്തുസംഘത്തിലെ കാരിയർമാരാണ് ഇവരെന്നാണ് കരുതുന്നത്.