യുവാവിനെ സഹോദരന്‍ കൊലപ്പെടുത്തി കുഴിച്ചു മൂടിയ സംഭവം; മൃതദേഹം കുഴിച്ചുമൂടാന്‍ സഹായിച്ചത് അമ്മയാണെന്ന് പ്രതിയുടെ മൊഴി; കേസിൽ മാതാവിനെ പൊലീസ് കസ്റ്റഡിയിലെടുക്കുമെന്ന് റിപ്പോര്‍ട്ട്
ചേര്‍പ്പില്‍ യുവാവിനെ സഹോദരന്‍ കൊലപ്പെടുത്തി കുഴിച്ചു മൂടിയ സംഭവത്തില്‍ അമ്മയെയും പ്രതി ചേര്‍ത്തേക്കും.സഹോദരന്റെ മൃതദേഹം കുഴിച്ചുമൂടാന്‍ സഹായിച്ചത് അമ്മയാണെന്ന് പ്രതി മൊഴി നല്‍കിയതായാണ് സൂചന. അമ്മ നിലവില്‍ ആശുപത്രിയില്‍ ചികിസ്തയിലാണ് ഡിസ്ചാര്‍ജ് ആയ ശേഷം പൊലീസ് കസ്റ്റഡിയിലെടുക്കുമെന്നാണ് റിപ്പോര്‍ട്ട്.
ചേര്‍പ്പ് മുത്തുള്ളി സ്വദേശി കെ.ജെ ബാബുവാണ് കൊല്ലപ്പെട്ടത്. ബാബു മദ്യപിച്ച്‌ ബഹളം വെച്ചതാണ് കൊലപാതകത്തില്‍ കലാശിച്ചതെന്നാണ് വിവരം. മൃതദേഹം ബാബുവിന്റേതാണെന്ന് സ്ഥിരീകരിച്ചതിന് പിന്നാലെയാണ് പൊലീസ് സാബുവിനെ കസ്റ്റഡിയിലെടുത്തത്.
ഈ മാസം 19ന് അര്‍ദ്ധരാത്രിയിലാണ് സംഭവം നടക്കുന്നത്. ശേഷം മൃതദേഹം വീടിന്റെ അടുത്തുള്ള പറമ്ബില്‍ കുഴിച്ചുമൂടുകയായിരുന്നു. ബാബുവിനെ കാണാനില്ലെന്ന് കാണിച്ച്‌ രണ്ട് ദിവസം മുന്‍പ് മാതാപിതാക്കള്‍ പൊലീസില്‍ പരാതി നല്‍കിയിരുന്നു. തുടര്‍ന്ന് ആളൊഴിഞ്ഞ പറമ്ബില്‍ മൃതദേഹത്തിന്റെ കൈ പുറത്തുകണ്ട നാട്ടുകാരാണ് വിവരം പൊലീസിനെ അറിയിച്ചത്.
https://www.facebook.com/Malayalivartha
