കൊടുങ്ങല്ലൂര്‍ ശ്രീകുരുംബ ഭഗവതി ക്ഷേത്രത്തില്‍ ദര്‍ശനം നടത്തിയിരിക്കുകയാണ് നടനും എംപിയുമായ സുരേഷ് ഗോപിയും അദ്ദേഹത്തിന്റെ കുടുംബവും. അതിനെന്താ എന്നൊരു ചോദ്യം ഇപ്പോള്‍ പലരുടേയും മനസില്‍ ഉണ്ടാകാനുള്ള സാധ്യതയുണ്ട്.

അതുകൊണ്ട് തന്നെ മറ്റൊരു വിശേഷം കൂടി പറയാം. ക്ഷേത്ര ദര്‍ശനത്തിനിടെ അദ്ദേഹം ശത്രുസംഹാര പൂജയും ഭഗവതിക്ക് ഏറ്റവും ഇഷ്ടപ്പെട്ട വഴിപാടായ വാളും ചിലമ്പും പട്ടും സമര്‍പ്പിച്ചിരുന്നു.

വിഷുക്കൈനീട്ടവും കാലുപിടിക്കാല്‍ വിവാദവും കൊടുംപിരി കൊണ്ടിരിക്കെയാണ് അദ്ദേഹം കൊടുങ്ങല്ലൂര്‍ ക്ഷേത്രത്തില്‍ ശത്രുസംഹാര പൂജ നടത്തിയത്. എത്രയൊക്കെ നിരീശ്വരവാദം പ്രസംഗിച്ചാലും ഇപ്പോള്‍ ചിലര്‍ക്കെങ്കിലും നെഞ്ചിടിപ്പുണ്ടായിട്ടുണ്ടാകും എന്നത് വ്യക്തം. കാരണം പുറമെക്ക് ഈശ്വരവിശ്വാസിയല്ല എന്ന് പറയുമ്പോഴും ക്ഷേത്രങ്ങളില്‍ പോയി ദര്‍ശനം നടത്തുന്നതും വഴിപാടുകള്‍ കഴിപ്പിക്കുന്നതും ചിലരുടെ സ്ഥിരം പരിപാടിയാണ്. ചിലപ്പോഴൊക്കെ അവര്‍ മാധ്യമകണ്ണുകളില്‍ പെടാറുമുണ്ട്.

വിഷുവിന് മുന്നോടിയായി സുരേഷ് ഗോപി വിഷുക്കൈനീട്ടം നല്‍കിയതാണ് വിവാദങ്ങള്‍ക്ക് വഴിമരുന്നിട്ടിരിക്കുന്നത്. സുരേഷ് ഗോപിയുടെ വിഷുക്കൈനീട്ടത്തിനെതിരെ സി.പി.എം, സി.പി.ഐ നേതാക്കള്‍ രംഗത്ത് വന്നിരുന്നു. വിഷുക്കൈനീട്ടം പോലും രാഷ്ട്രീയപരമായി ഉപയോഗിച്ചെന്നും തെരഞ്ഞെടുപ്പിന് മുന്നോടിയായുള്ള പ്രചാരണ തന്ത്രമാണ് കൈനീട്ടവും കാലുപിടിപ്പിക്കലും എന്നുവരെ സിപിഎമ്മുകാര്‍ പറഞ്ഞുണ്ടാക്കി.

ബി.ജെ.പിയുടെ ഉത്തരേന്ത്യന്‍ പരിപാടി കേരളത്തിലേക്ക് കൊണ്ടുവരാനാണ് ശ്രമമെന്നാണ് സിപിഎം പൊളിറ്റ്ബ്യൂറൊ അംഗമായ എ. വിജയരാഘവന്‍ കുറ്റപ്പെടുപത്തിയത്. സ്ത്രീകളെ കൊണ്ട് കാല് പിടിപ്പിക്കുന്നത് കേരളത്തില്‍ കേട്ടുകേള്‍വിയില്ലാത്ത സംഭവമാണെന്നും, ക്ഷേത്രങ്ങളെ ബി.ജെ.പി. രാഷ്ട്രീയമായി ഉപയോഗിക്കുന്നുവെന്നും വിജയരാഘവന്‍ പറഞ്ഞിരുന്നു.

കാലില്‍ തെട്ട് വന്ദിക്കണമെന്നൊന്നും സുരേഷ് ഗോപി ആരോടും പറഞ്ഞിട്ടില്ല. പിന്നെ സ്ത്രീകളും കുട്ടികളും അദ്ദേഹത്തിന്റെ കാലില്‍ തൊട്ടിട്ടുണ്ടെങ്കില്‍ അത് അദ്ദേഹത്തോടുള്ള ബഹുമാനംകൊണ്ട് മാത്രമായിരിക്കും. എന്തായാലും സുരേഷ് ഗോപിക്കിട്ട് ചൊറിയാന്‍ ചെന്ന സിപിഎമ്മുകാര്‍ക്ക് അതേ നാണയത്തില്‍ തന്നെ സോഷ്യല്‍ മീഡിയ തിരിച്ചടി നല്‍കുകയും ചെയ്തിരുന്നു.

വാളയാര്‍ പെണ്‍കുട്ടികളുടെ അമ്മ മുഖ്യമന്ത്രി ശ്രീ പിണറായി വിജയന്റെ കാലില്‍ വീണ് നീതിക്കായി കരയുന്ന ചിത്രമാണ് സോഷ്യല്‍ മീഡിയ കുത്തിപ്പൊക്കിയത്. ഇത് കണ്ടതോടെ വിമര്‍ശിച്ചവര്‍ തലയില്‍ മുണ്ടിട്ട് കണ്ടെവഴഇയോടിയെന്നാണ് പിന്നീട് അറിഞ്ഞത്. എന്തായാലും പ്രതിപക്ഷത്തോട് കളിക്കുന്ന കളികളൊന്നും എന്തോ സുരേഷ് ഗോപിക്ക് മുന്നില്‍ വിലപോകുന്നില്ല എന്നതാണ് സത്യം.

നേരത്തെ തെരഞ്ഞെടുപ്പ് സമയത്ത് തൃശ്ശൂര്‍ ഇങ്ങ് എടുക്കുവാ എന്നുള്ള അദ്ദേഹത്തിന്റെ ഡയലോഗ് പരിഹാസവാക്കാക്കി മാറ്റി സുരേഷ്‌ഗേപിയെ പൂട്ടാം എന്നൊരു മോഹം ചിലര്‍ക്ക് ഉണ്ടായിരുന്നു. പക്ഷേ അതും പൊളിഞ്ഞ് പാളീസായി. മാത്രമല്ല ട്രോളുകളിലും മറ്റും നിറഞ്ഞ്, സത്യം പറഞ്ഞാല്‍ അദ്ദേഹത്തിന്റെ ജനപ്രീതി കൂടുതല്‍ വര്‍ധിക്കുകയാണ് ഉണ്ടായത്.

എന്തായാലും സുരേഷ് ഗോപി കച്ചക്കെട്ടിയിറങ്ങി എന്ന പറയുന്നത് വെറുതെയല്ല എന്ന് ഇപ്പോള്‍ പലര്‍ക്കും മനസിലായി തുടങ്ങിയിട്ടുണ്ട്. കളി പറയുന്നവരെ കളിപഠിപ്പിക്കാന്‍ തന്നെയാണ് അദ്ദേഹത്തിന്റെ തീരുമാനം.