ശര്ക്കരയ്ക്ക് ജി.എ.സ്.ടി ചുമത്തി കേന്ദ്രസര്ക്കാര്... മറയൂരിലെ പരമ്പരാഗത ശര്ക്കര നിര്മാണം പ്രതിസന്ധിയില്
ശര്ക്കരയ്ക്ക് ജി.എ.സ്.ടി ചുമത്തി കേന്ദ്രസര്ക്കാര്... മറയൂരിലെ പരമ്പരാഗത ശര്ക്കര നിര്മാണം പ്രതിസന്ധിയിലാകുന്നു. ശര്ക്കരക്ക് അഞ്ചു ശതമാനം ജി.എസ്.ടി ചുമത്തുമ്പോള് കര്ഷകരില്നിന്ന് ഈ തുക കുറച്ചാണ് കച്ചവടക്കാര് സംഭരിക്കുന്നത്. ഇത് കര്ഷകരെ പ്രതികൂലമായി ബാധിക്കുന്നു.
മറയൂര് ശര്ക്കരക്ക് മൊത്തക്കച്ചവടക്കാരില് നിന്ന് കര്ഷകന് ലഭിക്കുന്നത് കിലോക്ക് 50 രൂപയാണ്. എന്നാല്, പൊതുവിപണിയില് മറയൂര് ശര്ക്കരക്ക് നല്ല ഡിമാന്ഡും 90 മുതല് 120 രൂപവരെ വിലയുമുണ്ട്.
കച്ചവടക്കാര്ക്ക് മൊത്തമായി വില്ക്കുമ്പോള് അവര് പറയുന്ന വിലയ്ക്ക് നല്കേണ്ടി വരുന്നു. ശര്ക്കരക്ക് അഞ്ചു ശതമാനം ജി.എസ്.ടി ചുമത്തുമ്പോള് കര്ഷകരില്നിന്ന് ഈ തുക കുറച്ചാണ് കച്ചവടക്കാര് സംഭരിക്കുക. ഇങ്ങനെ മുടക്കുമുതല്പോലും ലഭിക്കാത്ത സാഹചര്യത്തിലാണ് പല കര്ഷകരും മറ്റ് കൃഷികളിലേക്ക് തിരിഞ്ഞത്.
അതേസമയം മറയൂരില് 2500 ഏക്കറില് ഉണ്ടായിരുന്ന കരിമ്പുകൃഷി ഇപ്പോള് ആയിരത്തില് താഴെ ഏക്കറിലായി ചുരുങ്ങി. കച്ചവടക്കാരുടെ ചൂഷണവും തമിഴ്നാട്ടില്നിന്ന് വ്യാജശര്ക്കരയുടെ വരവും മറയൂര് ശര്ക്കരയുടെ വിലയിടിവിന് കാരണമായി. മറയൂരിലെ പ്രധാന കാര്ഷിക ഉല്പന്നമാണ് ശര്ക്കര. എന്നാല്, മെച്ചപ്പെട്ട വില ലഭിക്കാത്തതിനാല് ഒട്ടേറെ കര്ഷകര് മറ്റു കൃഷികളിലേക്ക് മാറി.
കാര്ഷിക ഉല്പന്നമായ ശര്ക്കര നാണ്യവിളകളുടെ പട്ടികയിലുള്ളതല്ലാത്തതിനാല് ജി.എസ്.ടിയില്നിന്ന് ഒഴിവാക്കണമെന്നാണ് കര്ഷകരുടെ ആവശ്യം.
"
https://www.facebook.com/Malayalivartha
