അമ്പലവയലിലെ ഹോംസ്റ്റേയില്‍ കൂട്ടബലാത്സംഗം നടന്നതായി പരാതി. കര്‍ണാടക സ്വദേശിയായ യുവതിയെ കൂട്ടബലാത്സംഗം ചെയ്തതാതായാണ് പരാതി. അമ്പലവയലില്‍ രണ്ട് മാസം മുമ്പ് പ്രവര്‍ത്തനം തുടങ്ങിയ ഇന്ത്യന്‍ ഹോളിഡേ ഹോംസ്റ്റേയിലാണ് ഈ സംഭവം നടന്നിരിക്കുന്നത്.

ഈ ഹോം സ്റ്റേയില്‍ അതിക്രമിച്ചെത്തിയ അഞ്ചംഗ സംഘം യുവതിയെ പീഡിപ്പിച്ചെന്നാണ് പരാതി ലഭിച്ചിരിക്കുന്നത്. ഇതിനോടകം തന്നെ സുല്‍ത്താന്‍ ബത്തേരി ഡിവൈ.എസ്.പിയുടെ നേതൃത്വത്തില്‍ പൊലീസ് കേസെടുത്ത് അന്വേഷണം തുടങ്ങിയിരിക്കുകയാണ്. കര്‍ണാടകയില്‍നിന്ന് യുവതിയെ ജോലിക്ക് കൊണ്ടുവന്ന ഹോം സ്റ്റേ നടത്തിപ്പുകാരെ [പോലീസ് കസ്റ്റഡിയിലെടുത്തിട്ടുമുണ്ട്.

അന്വേഷണത്തിനൊടുവിൽ ബത്തേരി സ്വദേശി ഷിധിന്‍, പുൽപള്ളി സ്വദേശി ജോജോ കുര്യാക്കോസ്, വാകേരി സ്വദേശി വിജയന്‍ എന്നിവരെയാണ് പോലീസ് കസ്റ്റഡിയിലെടുത്തത്. മറ്റ് പ്രതികളെ ഉടന്‍ പിടികൂടുമെന്ന് പൊലീസ് അറിയിക്കുകയുണ്ടായി.