പി.സിയെ ചങ്ങലക്കിടാൻ കുടുംബം തയ്യാറാകണം! അറസ്റ്റ് ചെയ്ത് ലോക്കപ്പിലടക്കാൻ... വാളെടുത്ത് യൂത്തൻമാർ; കട്ടകലിപ്പിൽ പി.സി. ജോർജ്ജും...
ഹിന്ദുമഹാ സമ്മേളനത്തില് കടുത്ത മുസ്ലിം വിരുദ്ധ പരാമര്ശങ്ങള് നടത്തിയ മുന് എംഎല്എ പി സി ജോര്ജിനെതിരേ പരാതി നല്കി യൂത്ത് ലീഗ്.മുസ്ലിം സമുദായത്തെ അധിക്ഷേപിക്കുന്നതും വര്ഗീയത നിറഞ്ഞതുമാണ് പ്രസംഗമെന്നും ഇതിനെതിരെ നടപടിയെടുക്കണമെന്നും ആവശ്യപ്പെട്ട് ഡിജിപിക്കും മുഖ്യമന്ത്രിക്കുമാണ് സംസ്ഥാന ജനറല് സെക്രട്ടറി പികെ ഫിറോസ് പരാതി നല്കിയത്. ഏപ്രില് 27 മുതല് മെയ് ഒന്ന് വരെ തിരുവനന്തപുരം അനന്തപുരിയില് വെച്ച് നടക്കുന്ന സമ്മേളനം ഉദ്ഘാടനം ചെയ്തായിരുന്നു പി സി ജോര്ജിന്റെ വര്ഗീയ പരാമര്ശങ്ങള്.
പ്രസംഗത്തിലുടനീളം മുസ്ലിം സമുദായത്തെ വര്ഗീയമായി അധിക്ഷേപിക്കുകയും ബോധപൂര്വ്വം വര്ഗീയ ചേരിതിരിവ് സൃഷ്ടിക്കാന് ശ്രമിച്ചതായും പരാതിയില് പറയുന്നു. കച്ചവടം ചെയ്യുന്ന മുസ്ലിംകള് പാനീയങ്ങളില് വന്ധ്യത വരുത്താനുള്ള മരുന്നുകള് ബോധപൂര്വ്വം കലര്ത്തുന്നു.
മുസ്ലിംകള് അവരുടെ ജനസംഖ്യ വര്ദ്ധിപ്പിച്ച് ഇതൊരു മുസ്ലിം രാജ്യമാക്കി മാറ്റാന് ശ്രമിക്കുന്നു, മുസ്ലിം പുരോഹിതര് ഭക്ഷണത്തില് മൂന്ന് പ്രാവശ്യം തുപ്പിയ ശേഷം വിതരണം ചെയ്യുന്നു, മുസ്ലിംകളായ കച്ചവടക്കാര് അവരുടെ സ്ഥാപനങ്ങള് അമുസ്ലിം മേഖലകളില് സ്ഥാപിച്ച് അവരുടെ സമ്പത്ത് കവര്ന്നു കൊണ്ടുപോകുന്നു, തുടങ്ങി വളരെ ഗൗരവകരമായ വര്ഗീയ പ്രചാരണമാണ് സമ്മേളനത്തില് പി സി ജോര്ജ് നടത്തിയത്.
ഈ പരാമര്ശങ്ങള് മുസ്ലിം സമുദായത്തെ സംശയത്തിന്റെ മുനയില് നിര്ത്താനും മറ്റു സമുദായത്തിലെ വിശ്വാസികള്ക്കും ഇവര്ക്കുമിടയില് വര്ഗീയ ചേരിതിരിവ് സൃഷ്ടിക്കാന് കാരണമാകുമെന്നും,അതിനാല് ഐപിസി 153 എ പ്രകാരവും മറ്റു വകുപ്പുകള് പ്രകാരവും ഇദ്ദേഹത്തിനെതിരെ കേസെടുത്ത് നിയമ നടപടികള് സ്വീകരിക്കണമെന്നും പരാതിയില് ആവശ്യപ്പെട്ടു.
ഇതോടൊപ്പം, മതഭ്രാന്ത് പിടിച്ച പിസി ജോർജ്ജിനെ ചങ്ങലക്കിടാൻ കുടുംബക്കാർ തയ്യാറാകണമെന്ന് യൂത്ത് കോൺഗ്രസ് വൈസ് പ്രസിഡണ്ട് എൻ എസ് നുസൂർ. മുസ്ലിം വിരുദ്ധ പരാമർശത്തിന്റെ പശ്ചാത്തലത്തിൽ പിസി ജോർജ്ജിന്റെ മകൻ ഷോൺ ജോർജ്ജിന് എഴുതിയ തുറന്ന കത്തിലാണ് നുസൂറിന്റെ വാക്കുകൾ. പൂഞ്ഞാറിൽ തോറ്റത് കയ്യിലിരുപ്പ് കൊണ്ടാണ്. അതിന് കേരളത്തിലുള്ള എല്ലാവരും അദ്ദേഹത്തെ സഹിക്കണമെന്ന് പറഞ്ഞാൽ അംഗീകരിക്കാൻ കഴിയില്ലെന്നും നുസൂർ പറഞ്ഞു.
വർഗ്ഗീയതക്കെതിരെ യുവാക്കൾ എല്ലാകാലത്തും നിലപാട് എടുക്കാനുള്ളവരാണ്. താങ്കളും അതിന് എതിരാകില്ലെന്ന് വിശ്വസിക്കുന്നെന്ന് പറഞ്ഞുകൊണ്ടാണ് നുസൂർ ഷോൺ ജോർജ്ജിനോടുള്ള കുറിപ്പ് ആരംഭിക്കുന്നത്. താങ്കളുടെ പിതാവ് ഇന്നലെ ഹിന്ദു മഹാ സമ്മേളനത്തിൽ നടത്തിയ പ്രസംഗം കേൾക്കുകയുണ്ടായി. പ്രായമാകുമ്പോൾ പിതാക്കന്മാർ പലതും വിളിച്ച് പറയും. അത് ഏറ്റവുമധികം ബാധിക്കുന്നത് മക്കളെയായിരിക്കുമെന്നും നുസൂർ പറയുന്നു.
വർഗ്ഗീയതയുടെ സഹവാസിയാണ് പിസി ജോർജ്ജെന്ന് യൂത്ത് കോൺഗ്രസ് സംസ്ഥാന അധ്യക്ഷൻ ഷാഫി പറമ്പിൽ എംഎൽഎയും വിമർശിച്ചു. 'തമ്മിലടിപ്പിക്കൽ ശ്വാസവായുവും തൊഴിലുമാക്കിയ പി സി ജോർജ്ജിനെ കേസെടുത്ത് ജയിലിലിടാൻ പോലീസ് തയ്യാറാകണം. സാംക്രമിക രോഗമായി പടരാൻ ആഗ്രഹിക്കുന്ന വർഗ്ഗീയതയുടെ സഹവാസിയാണ് പി സി ജോർജ്ജെന്നാണ് ഷാഫിയുടെ വാക്കുകൾ.
https://www.facebook.com/Malayalivartha
