താടി വടിച്ചു ഇനി രണ്ടു കൊമ്പ് ട്രോളന്മാരെ തിരിച്ചടിച്ച് സുരേഷ് ഗോപി പുതിയ ചിത്രം വൈറല്
ട്രോളന്മാര്ക്ക് പ്രിയപ്പെട്ട തന്റെ താടി വടിച്ച് സുരേഷ്ഗോപി. പാപ്പന് എന്ന സിനിമയ്ക്ക് വേണ്ടിയാണ് സുരേഷ്ഗോപി വെള്ളത്താടി വളര്ത്തിയത്. സമൂഹമാധ്യമങ്ങള് വന്തോതിലുള്ള വിമര്ശനങ്ങളാണ് സുരേഷ്ഗോപിയുടെ താടിക്കുനേരെ ഉയര്ന്നത്. ഇപ്പോഴിതാ ട്രോളന്മാര്ക്ക് ചുട്ടമറുപടിയുമായി ക്ളീന് ഷേവ് ചെയ്ത ചിത്രവുമായി എത്തിയിരിക്കുകയാണ് താരം.
രാജ്യസഭയില് വിജയകരമായി ആറുവര്ഷം പൂര്ത്തിയാക്കിയതിന്റെ സന്തോഷം പങ്കുവയ്ച്ച പോസ്റ്റിനൊപ്പമാണ് കഌന് ഷേവ് ചെയ്ത ചിത്രവുമായി സുരേഷ്ഗോപി എത്തിയത്. തന്നെ സ്നേഹിക്കുന്നവരുടെ നിരന്തരമായ പ്രോത്സാഹനം കൊണ്ടുമാത്രമാണ് ദൃഢനിശ്ചയത്തോടെ ഏറ്റെടുത്ത കര്ത്തവ്യം നിറവേറ്റാനായതെന്നും അദ്ദേഹം കുറിച്ചു. എന്നാല് സമൂഹ മാധ്യമങ്ങളില് തന്റെ താടിയുടെ പേരില് ട്രോളുചെയ്തവര്ക്കെതിരെ ശക്തമായി പ്രതികരിക്കാനും സുരേഷ്ഗോപി മറന്നില്ല. സിംഹവാലന് കുരങ്ങനോടുപോലും ഉപമിച്ച എന്റെ താടി ആവശ്യം കളഞ്ഞപ്പോള് വടിച്ച് കളഞ്ഞിട്ടുണ്ടെന്നും ഇനിയുള്ളത് ഒറ്റക്കൊമ്പന്റെ നല്ല രണ്ടു കൊമ്പുകളാണെന്നും അദ്ദേഹം കുറിച്ചു'.
'പൂച്ച കടിച്ചതായും പാപ്പാഞ്ഞി ആയും സിംഹവാലന് ആയും പലര്ക്കും തോന്നിയ എന്റെ താടി നിങ്ങളുടെ ആവശ്യത്തിലേക്കുള്ള എന്റെ ചുമതല കഴിഞ്ഞതുകൊണ്ട് വടിച്ച് കളഞ്ഞിട്ടുണ്ട്. ഇനി ഉള്ളത് നല്ല രണ്ടു കൊമ്പാണ്. ഒറ്റക്കൊമ്പന്റെ കൊമ്പ്' എന്ന കുറിപ്പിനൊപ്പമാണ് താടിവടിച്ച് കൊമ്പന്മീശ വച്ച ചിത്രം അദ്ദേഹം പങ്കുവയ്ച്ചത്.
സമൂഹമാധ്യമങ്ങളില് വിമര്ശനങ്ങളേറ്റുവാങ്ങിയ സുരേഷ്ഗോപിയുടെ വെള്ളത്താടി രാജ്യസഭയില് പോലും ചര്ച്ചാവിഷയമായിരുന്നു. ഈയിടെ സുരേഷ്ഗോപിയുടെ താടിവച്ച മുഖത്തെ സിംഹവാലന് കുരങ്ങിനോടുപമിച്ച് പോസ്റ്റിട്ടയാള്ക്ക് മറുപടിയുമായി നിരവധിപേര് രംഗത്തെത്തിയിരുന്നു. ട്രോളന്മാര്ക്ക് ചുട്ടമറുപടിയെന്നോണമാണ് തന്റെ ഷേവ് ചെയ്ത ചിത്രവുമായി സുരേഷ്ഗോപി ഇപ്പോള് എത്തിയിട്ടുള്ളത്.
നടനും എംപിയുമായ സുരേഷ് ഗോപിയുടെ താടി വളര്ത്തിയുള്ള ലുക്ക് സോഷ്യല് മീഡിയയില് ഏറെ ചര്ച്ചയായിരുന്നു. ഉപരാഷ്ട്രപതി വെങ്കയ്യ നായിഡു വരെ താരത്തിന്റെ താടി ലുക്കിനെ പ്രശംസിച്ചിരുന്നു. ഇപ്പോഴിതാ സുരേഷ് ഗോപിയുടെ ലുക്കിനെ പരിഹസിച്ച് സമൂഹമാദ്ധ്യമങ്ങളില് ഒരാള് പങ്കുവെച്ച പോസ്റ്റിന് മകന് ഗോകുല് സുരേഷ് ഗോപി നല്കി മറുപടി വൈറലാകുകയാണ്.
ഒരു ഭാഗത്ത് സുരേഷ് ഗോപിയുടെ ഫോട്ടോയും മറുഭാഗത്ത് എഡിറ്റ് ചെയ്ത സിംഹവാലന് കുരങ്ങിന്റെ മുഖവും ചേര്ത്ത് വെച്ചുള്ള ഫോട്ടോയ്ക്കാണ് ഗോകുല് പ്രതികരണവുമായി എത്തിയത്. ഈ ചിത്രത്തില് രണ്ട് വ്യത്യാസങ്ങളുണ്ട്, കണ്ടുപിടിക്കാമോ എന്ന അടിക്കുറിപ്പോടെയാണ് ചിത്രം പ്രചരിച്ചത്.
ഉടന് തന്നെ ഗോകുല് സുരേഷ് മറുപടിയുമായി എത്തി. 'ലെഫ്റ്റില് നിന്റെ തന്തയും റൈറ്റില് എന്റെ തന്തയും' എന്നായിരുന്നു ഗോകുല് സുരേഷ് നല്കിയ മറുപടി. ഗോകുല് സുരേഷിന്റെ പ്രതികരണം വളരെ വേഗം തന്നെ വൈറലായി. ഒട്ടനവധി പേരാണ് ഇത് സമൂഹമാദ്ധ്യമങ്ങളില് പങ്കുവെച്ചെത്തിയത്.
https://www.facebook.com/Malayalivartha
