ആകാശത്ത് രാത്രിയില് ഒന്നര മണിക്കൂറോളം 300 മീറ്റര് ഉയരത്തില് ഹെലികോപ്റ്റര് വട്ടമിട്ടു പറന്നു... പരിഭ്രാന്തരോടെ ജനങ്ങള്
ആകാശത്ത് രാത്രിയില് ഒന്നര മണിക്കൂറോളം 300 മീറ്റര് ഉയരത്തില് ഹെലികോപ്റ്റര് വട്ടമിട്ടു പറന്നു... പരിഭ്രാന്തരോടെ ജനങ്ങള് . കൊല്ലം ചവറയില് ഒന്നര മണിക്കൂറോളം ഹെലികോപ്റ്റര് വട്ടമിട്ടു പറന്നതു ആ മേഖലയിലാകെ ജനങ്ങള് പരിഭ്രാന്തരായി.
മാധ്യമങ്ങളുടെ ഓഫിസിലും പൊലീസ് സ്റ്റേഷനിലും ഫോണ് കോളുകള് തുടരെതുടരെയെത്തി. ഒടുവില് കോസ്റ്റ് ഗാര്ഡിന്റെ ഹെലികോപ്റ്ററുകളാണ് എത്തിയതെന്നു പിന്നീടു പൊലീസ് സ്ഥിരീകരിച്ചു.
ഇന്നലെ രാത്രി എട്ടരയോടെയാണ് ഹെലികോപ്റ്റര് പത്തിലേറെ തവണ 300 മീറ്റര് ഉയരത്തില് പറന്നത്. കെഎംഎംഎല് ഉള്പ്പെടുന്ന തന്ത്രപ്രധാന മേഖലയെ കേന്ദ്രീകരിച്ചതോടെ അഭ്യൂഹങ്ങളും വട്ടമിട്ടു പറന്നു.
പൊലീസിനും രഹസ്യാന്വേഷണ വിഭാഗത്തിനും വിവരം ലഭിച്ചില്ലെന്നറിഞ്ഞതോടെ ജനങ്ങളും പരിഭ്രാന്തിയിലായി. എന്നാല് പത്തരയോടെ സിറ്റി പൊലീസ് കമ്മിഷണര് ടി.നാരായണന് കോസ്റ്റ് ഗാര്ഡിന്റെ നിരീക്ഷണപ്പറക്കല് ആണെന്നു സ്ഥിരീകരിച്ചു. അതോടെ ജനങ്ങളുടെ ആശങ്കയകന്നു.
"
https://www.facebook.com/Malayalivartha
