കാട്ടുപന്നികളെ വെടിവെയ്ക്കാനുള്ള അനുമതിയുടെ മറവില് മൃഗവേട്ട അനുവദിക്കില്ലെന്ന് മന്ത്രി എ കെ ശശീന്ദ്രന്... വന്യജീവി സംരക്ഷണ നിയമപ്രകാരം നപടിയെടുക്കും
കാട്ടുപന്നികളെ വെടിവെയ്ക്കാനുള്ള അനുമതിയുടെ മറവില് മൃഗവേട്ട അനുവദിക്കില്ലെന്ന് മന്ത്രി എ കെ ശശീന്ദ്രന്... വന്യജീവി സംരക്ഷണ നിയമപ്രകാരം നപടിയെടുക്കും.
ജനവാസമേഖലകളില് ഇറങ്ങുന്ന കാട്ടുപന്നികളെ വെടിവയ്ക്കാനായി തദ്ദേശ സ്ഥാപനങ്ങള്ക്ക് അധികാരം നല്കി ഉത്തരവിറക്കിയിട്ടുണ്ടായിരുന്നു. പരീക്ഷണാടിസ്ഥാനത്തിലാണ് അനുമതി നല്കിയത്. ഒരുവര്ഷത്തിന് ശേഷം നയം പുനപരിശോധിക്കുമെന്നും മന്ത്രി .
ജനങ്ങളുടെ ജീവനും സ്വത്തിനും നാശം വരുത്തുന്ന കാട്ടുപന്നികളെ അനുയോജ്യമായ മാര്ഗങ്ങളിലൂടെ കൊല്ലാനായി ഗ്രാമപഞ്ചായത്ത്, മുനിസിപ്പാലിറ്റി, കോര്പ്പറേഷന് തലവന്മാര്ക്ക് അധികാരം നല്കുന്നതാണ് ഉത്തരവ്. ഇതിനായി തദ്ദേശ സ്ഥാപനങ്ങളുടെ തലവന്മാര്ക്ക് ഓണററി വൈല്ഡ്ലൈഫ് വാര്ഡന് എന്ന പദവി നല്കിയിട്ടുണ്ട്.
അതേസമയം വിഷപ്രയോഗത്തിലൂടെയോ ഷോക്കേല്പ്പിച്ചോ സ്ഫോടകവ്സതുക്കള് ഉപയോഗിച്ചോ കാട്ടുപന്നികളെ കൊല്ലാനാകില്ല. സംസ്ഥാനത്ത് ജനവാസ മേഖലകളില് കാട്ടുപന്നി ശല്യം രൂക്ഷമായതിനെ തുടര്ന്നാണ് തീരുമാനമായത്.
നിബന്ധനകളിങ്ങനെ...
അതാത് പ്രദേശങ്ങളിലെ സാഹചര്യം അനുസരിച്ച് പന്നിയെ വെടിവച്ചിടാന് ഉത്തരവിടാം, ഇതിനായി തോക്ക് ലൈസന്സുള്ള ഒരാളെ ചുമതലപ്പെടുത്തണം. പൊലീസിനോടും ആവശ്യപ്പെടാവുന്നതാണ്.
വെടിവയ്ക്കേണ്ടത്വനംവകുപ്പ് ഉദ്യോഗസ്ഥരുടെ സാനിധ്യത്തിലാകണം. കാട്ടുപന്നികളെ കൊല്ലുന്ന വേളയില് മനുഷ്യ ജീവനും സ്വത്തിനും വളര്ത്തു മൃഗങ്ങള്ക്കും ഇതര വന്യ മൃഗങ്ങള്ക്കും ഹാനിയുണ്ടാകില്ലെന്ന് ഉറപ്പ് വരുത്തേണ്ടതാണ്.
കൊന്ന ശേഷം വനംവകുപ്പ് ഉദ്യോഗസ്ഥര് മഹസ്സര് തയ്യാറാക്കി പോസ്റ്റുമോര്ട്ട് നടത്തണം. കൊല്ലപ്പെടുന്ന കാട്ടുപന്നിയുടെ ജഡം ശാസ്ത്രീയമായി സംസ്കരിക്കണം.
കാട്ടുപന്നികളെ കൊല്ലാനും ജഡം സംസ്കരിക്കാനും ജനജാഗ്രതാ സമിതികളുടെ സേവനം പ്രയോജനപ്പെടുത്താവുന്നതാണ്.
"
https://www.facebook.com/Malayalivartha
