അടുത്ത മാസം നടക്കാനിരുന്ന ഇന്ത്യ - ബംഗ്ലാദേശ് വനിത ക്രിക്കറ്റ് ടൂർണമെന്റ് മാറ്റിവച്ചു. മൂന്ന് ഏകദിനങ്ങളും മൂന്ന് ടി20 മത്സരങ്ങളും അടങ്ങുന്ന ബംഗ്ലാദേശിന്റെ ഇന്ത്യൻ പര്യടനമാണ് ബിസിസിഐ മാറ്റിവച്ചത്. പരമ്പരയുടെ ഷെഡ്യൂൾ പിന്നീട് അറിയിക്കുമെന്ന് ബിസിസിഐയിൽ നിന്ന് അറിയിപ്പ് ലഭിച്ചതായി ബംഗ്ലാദേശ് ക്രിക്കറ്റ് ബോർഡ് .

ഐസിസിയുടെ ടൂർ പ്രോഗ്രാമിന്റെ ഭാഗമായ പരമ്പര, വനിതാ പ്രീമിയർ ലീഗിന് (ഡബ്ല്യുപിഎൽ) മുൻപുള്ള ഇന്ത്യയുടെ ഏക മത്സരമായിരുന്നു.

എന്നാൽ, ബിസിബിയും ബിസിസിഐയും സംയുക്തമായാണ് പരമ്പര നീട്ടിവയ്ക്കാനുള്ള തീരുമാനം എടുത്തത് എന്ന് ബിസിസിഐ പ്രസ്താവനയിൽ അറിയിച്ചു. പര്യടനത്തിനുള്ള പുതുക്കിയ തീയതികളും മത്സരക്രമങ്ങളും യഥാസമയം പ്രഖ്യാപിക്കുമെന്നും അധികൃതർ .