കന്യാകുമാരി കടലിനു മുകളില്‍ ന്യൂനമര്‍ദമായി മാറിയിരിക്കുകയാണ്... വടക്ക്–വടക്ക് പടിഞ്ഞാറ് ദിശയില്‍ നീങ്ങുന്ന സിസ്റ്റം കേരളത്തില്‍ കനത്ത മഴ..വ്യാഴാഴ്ച കേരളത്തില്‍ എല്ലായിടത്തും മഴ..
വീണ്ടും മഴ . ഏതാനും ദിവസം മുന്‍പ് ബംഗാള്‍ ഉള്‍ക്കടലില്‍ ശ്രീലങ്കന്‍ തീരത്തിനു സമീപത്തായി രൂപം കൊണ്ട ചക്രവാതച്ചുഴി ഇപ്പോൾ കന്യാകുമാരി കടലിനു മുകളില്‍ ന്യൂനമര്‍ദമായി മാറിയിരിക്കുകയാണ്. പതിയെ വടക്ക്–വടക്ക് പടിഞ്ഞാറ് ദിശയില്‍ നീങ്ങുന്ന സിസ്റ്റം കേരളത്തില്‍ കനത്ത മഴ നല്‍കി. കഴിഞ്ഞ ദിവസം കോട്ടയം, എറണാകുളം, ആലപ്പുഴ, പത്തനംതിട്ട ജില്ലകളിൽ അതിശക്തമായ മഴയാണ് ലഭിച്ചത്. വരും ദിവസങ്ങളില്‍ ഈ സിസ്റ്റം അറബിക്കടലിലെത്തും.
തെക്കുപടിഞ്ഞാറന്‍ അറബിക്കടലില്‍ ശ്രീലങ്കയ്ക്ക് സമീപമാകും അടുത്ത ദിവസം ന്യൂനമര്‍ദമുണ്ടാകുക. വ്യാഴാഴ്ച കേരളത്തില്‍ എല്ലായിടത്തും മഴക്ക് ഈ സിസ്റ്റം കാരണമായേക്കും. വടക്കന്‍ കേരളത്തിലാണ് പ്രധാനമായും മഴ പ്രതീക്ഷിക്കുന്നത്. തെക്ക് മധ്യ അറബിക്കടലില്‍ വച്ച് സിസ്റ്റം വീണ്ടും ശക്തിപ്പെടാനും സാധ്യതയുണ്ട്.
അതേസമയം, ബംഗാള്‍ ഉള്‍ക്കടലില്‍ തെക്കുകിഴക്കന്‍ മേഖലയില്‍ നവംബർ 22ന് മറ്റൊരു ന്യൂനമര്‍ദം കൂടി രൂപം കൊള്ളും. ഈ സിസ്റ്റം തമിഴ്‌നാട്ടിലും കേരളത്തിലും മഴ നല്‍കുമെന്നാണ് പ്രാഥമിക സൂചനകള്‍. ഈ ന്യൂനമര്‍ദം ശക്തിപ്പെടാനും ചുഴലിക്കാറ്റിലേക്ക് എത്താനുമുള്ള സാധ്യത ഇപ്പോള്‍ തള്ളിക്കളയാനാകില്ല. ബംഗാള്‍ ഉള്‍ക്കടലിലെ ന്യൂനമര്‍ദങ്ങള്‍ തമിഴ്‌നാട്, ആന്ധ്രാപ്രദേശ്, ഒഡിഷ, പശ്ചിമ ബംഗാള്‍ എന്നീ തീരങ്ങളിലേക്കാണ് നീങ്ങാൻ സാധ്യത. ഇവയില്‍ തന്നെ ഭൂരിഭാഗവും ആന്ധ്രാപ്രദേശിലേക്കോ, ഒഡിഷയിലേക്കോ ആണ് നീങ്ങാറുള്ളത്.
https://www.facebook.com/Malayalivartha
