ഉമ്മന് ചാണ്ടിയെക്കാള് നല്ലത് കെ.എം. മാണിയെന്ന് കൊടിയേരി; ഓടിനടന്ന് മുഖ്യമന്ത്രി നടത്തിയത് കേവലം 24 കോടിയുടെ പദ്ധതി, സെക്രട്ടറിയേറ്റിലിരുന്ന് മാണി നടത്തിയത് 200 കോടിയുടെ ആശ്വാസം
ഇടതുപക്ഷത്തിന്റെ ഉപരോധ സമരം പുരോഗമിക്കുന്നിടയില് പ്രതിപക്ഷ ഉപനേതാവ് കോടിയേരി ബാലകൃഷ്ണന് മുഖ്യമന്ത്രിയുടെ ജനസമ്പര്ക്ക പരിപാടിക്കെതിരെ രംഗത്തെത്തി. അതോടൊപ്പം ധനമന്ത്രി കെഎം മാണിയേയും അദ്ദേഹത്തിന്റെ കാരുണ്യ പദ്ധതിയേയും പുകഴ്ത്താനും മറന്നില്ല. കാരുണ്യ പദ്ധതി മുഖ്യമന്ത്രിയുടെ ജനസമ്പര്ക്ക പരിപാടിയേക്കാള് മെച്ചമാണെന്ന് കോടിയേരി പറഞ്ഞു. കേരളം മുഴുവന് നടന്ന് മുഖ്യമന്ത്രി നടത്തിയത് 24 കോടിയുടെ ആശ്വാസപദ്ധതി. എന്നാല് മാണി സെക്രട്ടറിയേറ്റിലിരുന്നാണ് 200 കോടിയുടെ ആശ്വാസപദ്ധതികള് ചെയ്തതെന്നും കോടിയേരി പറഞ്ഞു.
കെഎം മാണിയെ മുഖ്യമന്ത്രിയാക്കാനുള്ള ശ്രമങ്ങള് നേരത്തേതന്നെ ഇടതുപക്ഷം കൈക്കൊണ്ടിരുന്നതാണ്. സോളാര് വിവാദം കത്തിനില്ക്കുന്ന സമയത്ത് കെ എം മാണി ഇടതുമുന്നണിയിലേക്ക് ചേക്കേറുന്നതായി വാര്ത്തയുണ്ടായിരുന്നു. മാണിക്കനുകൂലമായി കോടിയേരി പ്രതികരിക്കുകയും ചെയ്തിരുന്നു. അപമാനം സഹിച്ച് എന്തിന് യുഡിഎഫില് തുടരുന്നു എന്നാണ് കോടിയേരി ചോദിച്ചത്. തീരുമാനമെടുക്കാന് മാണിക്ക് ഇനിയും സമയമുണ്ടെന്നും കോടിയേരി വ്യക്തമാക്കിയിരുന്നു. സിപിഐയും മാണിക്കൊപ്പമായിരുന്നു. എന്നാല് സര്ക്കാരിനെ മറിച്ചിടേണ്ട എന്നുള്ള സിപിഎമ്മിന്റെ നിലപാടാണ് ആ ശ്രമം പൊളിച്ചത്.
https://www.facebook.com/Malayalivartha
