ഉപജീവനമാർഗമായ തട്ടുകടയ്ക്ക് 50,000 രൂപ പിഴ, വരുമാനം മുടങ്ങുമെന്ന സ്ഥിതി കുടുംബത്തെ കടുത്ത മനോവിഷമത്തിലാക്കി, ഭക്ഷ്യസുരക്ഷാ വിഭാഗം പിഴ ചുമത്തിയ മനോവിഷമം കൂട്ടആത്മഹത്യയിലേക്ക് നയിച്ചതെന്ന് നാട്ടുകാര്, കല്ലമ്പലത്ത് ഒരു കുടുംബത്തിലെ അഞ്ച് പേരെ മരിച്ച നിലയില് കണ്ടെത്തിയതില് അന്വേഷണം പുരോഗമിക്കുന്നു...!
കല്ലമ്പലം ചാത്തമ്പാറയില് ഒരു കുടുംബത്തിലെ അഞ്ച് പേരെ കൂട്ടആത്മഹത്യയിലേക്ക് നയിച്ചത് 50,000 രൂപ പിഴ എന്ന് നാട്ടുകാർ.ഈ കുടുംബം നടത്തിവന്നിരുന്ന തട്ടുകടയില് ഭക്ഷ്യസുരക്ഷാ വിഭാഗം 50,000 രൂപ പിഴ ചുമത്തിയിരുന്നു.ഇതിന്റെ മനോവിഷമമാകാം ഇവരെ കൂട്ടആത്മഹത്യയിലേക്ക് നയിച്ചതെന്നാണ് നാട്ടുകാര് സംശയിക്കുന്നത്.
പിഴ ചുമത്തിയതിൽ കുടുംബം കടുത്ത മനോവിഷമത്തിലായിരുന്നെന്നും നാട്ടുകാര് പറഞ്ഞു. മണിക്കുട്ടന്, ഭാര്യ, രണ്ട് മക്കള് മണിക്കുട്ടന്റെ ഭാര്യയുടെ അമ്മയുടെ സഹോദരി എന്നിവരാണ് മരിച്ചത്. ഭര്ത്താവ് തൂങ്ങിമരിച്ച നിലയിലും ഭാര്യയും രണ്ടുമക്കളും മാതൃസഹോദരിയും വിഷം കഴിച്ച നിലയിലയുമാണ് കണ്ടെത്തിയത്.
തട്ടുകട നടത്തിയാണ് മണിക്കുട്ടന് വരുമാനം കണ്ടെത്തിയിരുന്നത്. കടയിലെ ജീവനക്കാരന് ശനിയാഴ്ച രാവിലെ വീട്ടില് എത്തിയപ്പോഴാണ് സംഭവം അറിയുന്നത്.ആത്മഹത്യയെന്നാണ് നിഗമനം. മണിക്കുട്ടന് കടബാധ്യതയുള്ളതായി നാട്ടുകാര് പൊലീസിനോട് പറഞ്ഞു. സാമ്പത്തിക പ്രതിസന്ധിയെ തുടര്ന്നാണോ മരണമെന്ന് പൊലീസ് പരിശോധിക്കുകയാണ്.
https://www.facebook.com/Malayalivartha
