വയനാട് കാരാപ്പുഴ ഡാമില് ജലനിരപ്പ് ഉയര്ന്നു...! മൂന്ന് ഷട്ടറുകള് അഞ്ച് സെന്റി മീറ്റര് ഉയര്ത്തും, പ്രദേശവാസികള് ജാഗ്രത പാലിക്കണമെന്ന് മുന്നറിയിപ്പ്
വയനാട് ജില്ലയിലെ കാരാപ്പുഴ ഡാമില് ജലനിരപ്പ് ഉയരുകയാണ്. ഈ സാഹചര്യം കണക്കിലെടുത്ത് ജൂലൈ 13 മുതല് റിസര്വോയറിന്റെ സ്പില്വേ ഷട്ടറുകള് മൂന്ന് എണ്ണവും അഞ്ച് സെന്റി മീറ്റര് വീതം കൂടി ഉയര്ത്തും.
നിലവില് സ്പില്വേ ഷട്ടറുകള് മൂന്നെണ്ണവും അഞ്ച് സെന്റി മീറ്റര് ഉയര്ത്തിയിട്ടുണ്ട്. മൂന്ന് ഷട്ടറുകളും 10 സെന്റി മീറ്റര് വീതം ഉയര്ത്തുമ്പോള് 9.875 ക്യുബിക് മീറ്റര് വെള്ളമാണ് പുറത്തേക്ക് ഒഴുക്കിവിടുക. അതിനാൽ പ്രദേശവാസികള് ജാഗ്രത പാലിക്കണമെന്ന് ജില്ല ദുരന്തനിവാരണ അതോറിറ്റി അറിയിച്ചു.
അതേസമയം സംസ്ഥാനത്ത് ഇന്നും വ്യാപക മഴയ്ക്ക് സാധ്യതയുണ്ട്. തിരുവനന്തപുരം, കൊല്ലം, പത്തനംതിട്ട ഒഴികെയുള്ള 11 ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു. നാളെയും ഈ ജില്ലകളില് യെല്ലോ അലേര്ട്ടാണ്. മഴയ്ക്കൊപ്പം ഇടിമിന്നലിനും കാറ്റിനും സാധ്യതയുണ്ട്. ഈ ദിവസങ്ങളില് വടക്കന് ജില്ലകളില് കൂടുതല് മഴ ലഭിക്കും.
ഒഡിഷയ്ക്ക് മുകളില് ന്യൂനമര്ദം രൂപപ്പെട്ടതും ഗുജറാത്ത് കര്ണാടക തീരങ്ങളിലെ ന്യൂനമര്ദപാത്തിയുമാണ് മഴയ്ക്ക് പ്രധാന കാരണം. അടുത്ത ദിവസങ്ങളിലും മഴ തുടരും. തീരമേഖലയിലും മലയോരമേഖലയിലുമുള്ളവര് ജാഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പുണ്ട്. കടല്ക്ഷോഭ സാധ്യത നിലനില്ക്കുന്നതിനാല് കടലില് പോകുന്നതിന് മത്സ്യത്തൊഴിലാളികള്ക്ക് ഏര്പ്പെടുത്തിയ വിലക്ക് തുടരുകയാണ്.
https://www.facebook.com/Malayalivartha