ആന്ധ്രാപ്രദേശിലെ വിശാഖപട്ടണത്ത് നിന്നും കടലിൽ പോയ മത്സ്യത്തൊഴിലാളികൾ സഞ്ചരിച്ച ബോട്ട് ശക്തമായ കാറ്റിലും മോശം കാലാവസ്ഥയിലും പെട്ട് മറിഞ്ഞു. ബോട്ടിലുണ്ടായിരുന്ന ഏഴ് പേരിൽ ആറ് മത്സ്യത്തൊഴിലാളികളെ കാണാതായി. ഒരാളെ ആ വഴി വന്ന ആഡംബര കപ്പൽ രക്ഷപ്പെടുത്തുകയായിരുന്നു. കാണാതായവർക്കായി ഇന്ത്യൻ കോസ്റ്റ് ഗാർഡും മറൈൻ പോലീസും സംയുക്തമായി തിരച്ചിൽ ആരംഭിച്ചു.

ജൂലൈ ഒന്നിനാണ് ഏഴംഗ സംഘം മത്സ്യബന്ധനത്തിനായി കടലിലേക്ക് പോയത്. ജൂലൈ 4-ന് ഉച്ചയ്ക്ക് 2 മണിയോടെ തിരിച്ചെത്തുമെന്നാണ് വീട്ടുകാരെ അറിയിച്ചിട്ടുണ്ടായിരുന്നത്.

അവർ പറഞ്ഞ സമയമായിട്ടും സംഘം തിരിച്ചെത്താതിരിക്കുകയും മൊബൈൽ ഫോണുകൾ സ്വിച്ച് ഓഫ് ആകുകയും ചെയ്തതോടെയാണ് കുടുംബാംഗങ്ങൾ അധികൃതരെ വിവരമറിയിക്കുന്നത്."