വയോധികയുടെ മാല പൊട്ടിച്ച് കടന്ന കള്ളൻ പിടിയിൽ. വാഴപ്പള്ളി പുത്തേട്ടുകളത്തില്‍ വീട്ടില്‍ പ്രിയനെയാണ് (28) ചങ്ങനാശ്ശേരി പൊലീസ് അറസ്റ്റ് ചെയ്തത്. ചങ്ങനാശ്ശേരി കുരിശുംമൂട് ഭാഗത്ത് ഇടവഴിയിലൂടെ ജോലികഴിഞ്ഞ് തിരികെ വീട്ടിലേക്ക് നടന്നുപോയ വയോധികയെ സ്കൂട്ടറിൽ കറങ്ങി നടന്ന ശേഷം ആളില്ലെന്ന് കണ്ട് പൊട്ടിച്ചെടുത്ത് കടന്നുകളയുകയായിരുന്നു. ശാസ്ത്രീയ അന്വേഷണം നടത്തി പ്രതിയെ ഉടന്‍ പിടികൂടിയ അന്വേഷണസംഘത്തിന് പാരിതോഷികമായി ഗുഡ് സര്‍വിസ് എന്‍ട്രി അനുവദിച്ചതായി എസ് പി അറിയിച്ചു.

മോഷണശേഷം കടന്നുകളഞ്ഞ പ്രതിയെ ജില്ല പൊലീസ് മേധാവിയുടെ നേതൃത്വത്തിലുള്ള അന്വേഷണസംഘം മണിക്കൂറുകള്‍ക്കകം പിടികൂടുകയായിരുന്നു. ചങ്ങനാശ്ശേരി എസ്.എച്ച്‌.ഒ റിച്ചാര്‍ഡ് വര്‍ഗീസ്, എസ്.ഐ ജയകൃഷ്ണന്‍, സി.പി.ഒമാരായ ഉണ്ണികൃഷ്ണന്‍, മുഹമ്മദ് ഷാം, തോമസ്‌ സ്റ്റാന്‍ലി എന്നിവരും അന്വേഷണ സംഘത്തില്‍ ഉണ്ടായിരുന്നു.