കുളത്തുപ്പുഴ അമ്പലക്കടവിൽ കല്ലടയാറ്റിൽ കുളിക്കാൻ ഇറങ്ങി ഒഴുക്കിൽപ്പെട്ട വയോധികയെ രക്ഷപ്പെടുത്തിയതായി റിപ്പോര്ട്ട്. ബാംഗ്ലൂരിൽ സ്ഥിരതാമസമാക്കിയ കുളത്തൂപ്പുഴ സ്വദേശി സതീദേവിയാണ് (65) കുളിക്കാനിറങ്ങിയപ്പോൾ ഒഴുക്കിൽപ്പെടാൻ ഇടയായത്. ഉച്ചയ്ക്ക് രണ്ടരയോടെയാണ് അപകടം സംഭവിച്ചത്.

ഒപ്പമുണ്ടായിരുന്നവർ ബഹളം വച്ചത് ശ്രദ്ധയിൽപ്പെട്ട് ഓടിയെത്തിയ നാട്ടുകാരും കെഎസ്ഇബി ജീവനക്കാരും ചേർന്ന് നടത്തിയ സമയോജിതമായ ഇടപെടലാണ് സതീദേവിയുടെ ജീവൻ രക്ഷിച്ചിരുന്നത്. കെഎസ്ഇബി ജീവനക്കാരുടെ കയ്യിലുണ്ടായിരുന്ന കയർ കെട്ടി പ്രദേശവാസികളായ മൂന്ന് പേർ പുഴയിൽ ഇറങ്ങിയാണ് സതീദേവിയെ രക്ഷപ്പെടുത്തിയത്. വൃദ്ധയ്ക്ക് കാര്യമായ പരിക്കുകളില്ല എന്നാണ് റിപ്പോർട്ട്.