ലോകായുക്തയുടെ ഭാവി ഇന്നറിയാം.... ലോകായുക്ത നിയമഭേദഗതി ഉള്പ്പെടെ പതിനൊന്ന് ഓര്ഡിനന്സുകളുടെ കാലാവധി ഇന്ന് തീരാനിരിക്കെ ഗവര്ണര് ആരിഫ് മുഹമ്മദ് ഖാനെ അനുനയിപ്പിക്കാന് സര്ക്കാരിന്റെ അടിയന്തര നീക്കം...
ലോകായുക്തയുടെ ഭാവി ഇന്നറിയാം.... ലോകായുക്ത നിയമഭേദഗതി ഉള്പ്പെടെ പതിനൊന്ന് ഓര്ഡിനന്സുകളുടെ കാലാവധി ഇന്ന് തീരാനിരിക്കെ ഗവര്ണര് ആരിഫ് മുഹമ്മദ് ഖാനെ അനുനയിപ്പിക്കാന് സര്ക്കാരിന്റെ അടിയന്തര നീക്കം...
ഇന്ന് ഒപ്പിട്ടില്ലെങ്കില് ഈ ഓര്ഡിനന്സുകള് അസാധുവാകും. അതൊഴിവാക്കാനായാണ് സര്ക്കാര് ശ്രമിക്കുന്നത്. കേരള സര്വകലാശാല വൈസ് ചാന്സലര് നിയമനത്തില്, ചാന്സലര് എന്ന നിലയ്ക്കുള്ള ഗവര്ണറുടെ അധികാരം വെട്ടിക്കുറയ്ക്കാന് ഓര്ഡിനന്സ് ഇറക്കാന് സര്ക്കാര് തീരുമാനിച്ചിരുന്നു. സര്ക്കാരിനെ മറികടന്ന് വിസി നിയമനത്തിന് സേര്ച് കമ്മിറ്റിയെ നിയോഗിച്ചാണ് ഗവര്ണര് ഇതിനു മറുപടി നല്കിയത്.
ഡല്ഹിയിലുള്ള ഗവര്ണര്ക്ക് ഡിജിറ്റല് സിഗ്നേച്ചര് വഴി ഓര്ഡിന്സ് പാസാക്കാം.ഓര്ഡിനന്സുകള് പുതുക്കുമ്പോള് വകുപ്പ ്മന്ത്രിമാര് നേരിട്ടെത്തി സാഹചര്യം വ്യക്തമാക്കണമെന്ന് ഗവര്ണര് മുഖ്യമന്ത്രിക്ക് നല്കിയ കത്തിലും ആവശ്യപ്പെട്ടിരുന്നു. ഇത് നിഷേധിച്ചാണ് 11 ഓര്ഡിനന്സുകള് പുതുക്കാനുള്ള ശുപാര്ശ നല്കിയത്. ഇതും സര്ക്കാര് പുനഃപരിശോധിച്ചേക്കും.
കാര്യങ്ങള് വഷളാക്കാന് ഗവര്ണറും ആഗ്രഹിക്കുന്നില്ലെന്നാണ് സൂചന..ലോകായുക്ത:അസാധുവായാല് പഴയ നിയമം വരും ഉന്നത തലത്തിലെ അഴിമതിക്ക് തടയിടാനുള്ള ലോകായുക്തയുടെ അധികാരം കവരുന്ന ഭേദഗതി ഓര്ഡിനന്സ് അസാധുവായാല്, ലോകായുക്തയ്ക്ക് പഴയ അധികാരം പുനഃസ്ഥാപിച്ച് കിട്ടും.
മുഖ്യമന്ത്രി പിണറായി വിജയനും ചില മന്ത്രിമാര്ക്കും മുന് മന്ത്രിമാര്ക്കുമെതിരെയുള്ള പരാതികള് ലോകായുക്തയുടെ പരിഗണനയിലുള്ളപ്പോഴാണ് ഭേദഗതി ഓര്ഡിനന്സ് കഴിഞ്ഞ ഫെബ്രുവരി ഏഴിന് ഇറക്കിയത്.
അഴിമതി കേസില് ലോകായുക്ത വിധിയുണ്ടായാലും ഗവര്ണര്ക്കോ മുഖ്യമന്ത്രിക്കോ സര്ക്കാരിനോ അപ്പീല് പരിഗണിക്കാമെന്നും, വിധി നടപ്പാക്കുന്നതില് അന്തിമാധികാരം സര്ക്കാരിനാണെന്നുമായിരുന്നു ഭേദഗതി.
അതേസമയം നിയമസഭാ സമ്മേളനം തുടങ്ങി 42 ദിവസത്തിനകം ഓര്ഡിനന്സുകള് പുതുക്കിയില്ലെങ്കില് അവ അസാധുവാകും. എന്നാല്, പുതുക്കി ഇറക്കുന്നതില് ഏതാനും ദിവസം വൈകിയാലും മുന്കാല പ്രാബല്യത്തോടെ ഒപ്പിട്ട് ഓര്ഡിനന്സ് അസാധുവാകുന്നത് ഒഴിവാക്കാനാകുമെന്നു നിയമവൃത്തങ്ങള് വ്യക്തമാക്കിയിട്ടുണ്ട്.
"
https://www.facebook.com/Malayalivartha
