നെടുമങ്ങാട് മേലാംകോട് ജയ കോട്ടേജിൽ ജയകുമാർ(57)ന്റെ മൃതദേഹമാണ് കിണറ്റിൽ കണ്ടെത്തിയത്. ഇയാളെ കാണാനില്ലെന്ന് പറഞ്ഞ് ബന്ധുക്കൾ എട്ടാം തീയതി നെടുമങ്ങാട് പൊലീസിൽ പരാതി നൽകിയിരുന്നു.ഒരാഴ്ച മുൻപ് കിണറ്റിൽ വീണ ജയകുമാറിനെ അഗ്നി ശമന സേന എത്തി രക്ഷപ്പെടുത്തിരുന്നു.

സംശയം തോന്നിയതിനാൽ ഇന്നലെ രാവിലെ പൊലീസ് എത്തി അഗ്നി ശമന സേനയെ വിളിച്ച് വരുത്തി അതെ കിണറ്റിൽ പരിശോധന നടത്തിയപ്പോൾ ആയിരുന്നു മൃതദേഹം കണ്ടെത്തിയത്. അവിവാഹിതനും അസുഖക്കാരനുമായ ഇയാൾ കിണറ്റിൽ ചാടിയതാകാമെന്ന സംശയത്തെ തുടർന്നാണ് പൊലീസ് എത്തി ഇന്നലെ ഇതേ കിണറ്റിൽ അഗ്നി ശമന സേനയെ വരുത്തി തിരച്ചിൽ നടത്തിയത്.

സ്റ്റേഷൻ ഓഫിസർ കെ എൻ ഷാജിയുടെ നേതൃത്വത്തിൽ അഗ്നി ശമന സേന എത്തി ആയിരുന്നു കിണറ്റിൽ പരിശോധന നടത്തി ഇയാളുടെ മൃതദേഹം കണ്ടെത്തിയത്.