കഴിഞ്ഞ ദിവസം നടന്ന മത്സരത്തിൽ രാജ്യാന്തര തലത്തിൽ 71-മത് സെഞ്ചുറി തികച്ച് അഭിമാനമായി മാറുകയായിരുന്നു. രണ്ട് വർഷത്തിന് മുകളിലായുള്ള കാത്തിരിപ്പിന് ശേഷം സെഞ്ച്വറി വരൾച്ച അവസാനിപ്പിച്ച് വിരാട് കൊഹ്ലി. അതായത് 53 പന്തിലാണ് കൊഹ്ലി സെഞ്ച്വറി നേടിയത്. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ നിശ്ചിത 20 ഓവറിൽ രണ്ട് വിക്കറ്റ് നഷ്ടത്തിലാണ് 212 റൺണ് അടിച്ചുകൂട്ടിയത്. ഇപ്പോഴിതാ വിരാട് കൊഹ്‌ലിയെ പ്രശാസിച്ച് രംഗത്ത് എത്തിയിരിക്കുകയാണ് ഡോ നെൽസൺ ജോസഫ്.

ഫേസ്ബുക്ക് കുറിപ്പ് ഇങ്ങനെ;

"അയാളുടെ കരിയറിലെ ഏറ്റവും മോശം കാലത്തിലൂടെയാണ് കടന്നുപോവുന്നത്. തുടർച്ചയായ പരാജയങ്ങൾ.. അയാളുടെ രക്തത്തിനായി ചുറ്റും ചെന്നായ്ക്കൾ കൂടിയിട്ടുണ്ട്. ഇത് അയാളുടെ അവസാനമാണെന്ന് വിധിയെഴുത്തുകൾ വന്നുകഴിഞ്ഞു.. അയാൾ ഇന്ത്യൻ ടീമിനൊരു ബാധ്യതയാവുമെന്ന് വരെ വിലയിരുത്തലുകളുണ്ടായി.. അവരെല്ലാം മറക്കുന്നൊരു കാര്യമുണ്ട്. അയാളുടെ പേര് വിരാട് കോഹ്ലി എന്നാണ് "

നാല് മാസങ്ങൾക്ക് മുൻപ് എഴുതിയ ഒരു കുറിപ്പ് ആരംഭിക്കുന്നത് ഇങ്ങനെയാണ്. ഏഷ്യ കപ്പ് തുടങ്ങിയപ്പൊ ഓടിക്കൊണ്ടിരുന്ന ചിത്രവും അതുതന്നെയായിരുന്നു. അക്ഷരാർഥത്തിൽ വിരാടിൻ്റെ രക്തത്തിനായി മുറവിളി കൂട്ടിക്കൊണ്ടിരുന്നത് അയാളുടെ ഫോമില്ലായ്‌മയെ വിമർശിച്ചവർ മാത്രമായിരുന്നില്ല.
ഇപ്പൊഴോ.. കളിച്ച അഞ്ച് മൽസരങ്ങളിൽ രണ്ടെണ്ണത്തിൽ അർധസെഞ്ചുറി. ഇന്ന് ഒരു മിന്നുന്ന സെഞ്ചുറി. ഏഷ്യ കപ്പിലെ നിലവിലെ ടോപ് സ്കോറർ. ആവറേജ് 92, സ്ട്രൈക്ക് റേറ്റ് 147.6. ഫോമിലുള്ള വിരാട് കോഹ്ലിയുടെ ബാറ്റിങ്ങ് കാണുന്നതിനോളം എൻ്റർടെയിനിങ്ങായിട്ടുള്ള കാര്യങ്ങൾ കുറവാണ്.

മിന്നുന്ന ഫോമെന്ന് കണക്കുകൂട്ടിയ ഇളമുറക്കാർ പലരും നിറം മങ്ങിയപ്പൊ രാജകീയമായ തിരിച്ചുവരവ്. വിമർശകർക്ക് ബാറ്റ് കൊണ്ട് മറുപടിയെന്ന ക്ലീഷേ തന്നെ ആവർത്തിക്കേണ്ടിവരും. ഇതയാൾക്ക് ആദ്യത്തെ അനുഭവമല്ലെന്നുള്ളതാണ് വാസ്തവം. അയാളോളം ആക്രമിക്കപ്പെട്ടവരെ അധികം പേരെ ഓർമയില്ല. അയാളുടെ പാർട്ണറെ അടക്കം ടാർഗറ്റ് ചെയ്തിട്ടുണ്ട്..അയാളുടെ ഫോമില്ലായ്‌മയുടെ സമയത്തും അയാളുടെ വിക്കറ്റ് പ്രതീക്ഷിക്കുന്നതിനും മുൻപ് വീണപ്പൊഴുമെല്ലാം And he will fought each and every one of those in style.

നെഞ്ചിന് നേർക്ക് കുത്തിയുയർന്ന ബൗൺസറുകൾ ഒന്നിന് പിന്നാലെ ഒന്നായി ഒരു ഇന്ത്യൻ ടെസ്റ്റ് ടീം ക്യാപ്റ്റൻ ബൗണ്ടറിയിലേക്ക് പായിക്കുന്നത് കണ്ട് അരിശം കൊള്ളുന്ന മിച്ചൽ ജോൺസൻ്റെ മുഖം ഓർമയുള്ളവർക്ക് കൂടുതൽ വിശേഷണം വേണ്ടിവരില്ല.
The eagle is comin'
You better start runnin'
His blood is rushin'
Stunnin' and gunnin'
ആരംഭിക്കലാങ്കളാ
You will be my king always