ഇന്ത്യ ഇറാന്റെ വിശ്വസ്ത പങ്കാളിയാണെന്നും ഇന്ത്യയുടെ കപ്പലുകള്‍ക്ക് ബുദ്ധിമുട്ടുകള്‍ നേരിടേണ്ടി വരില്ലെന്നും ഇന്ത്യയിലെ ഇറാന്‍ അംബാസഡര്‍ മുഹമ്മദ് ഫത്താലി. നാല്‍പ്പതിനായിരം മെട്രിക് ടണ്ണിലധികം എല്‍പിജിയുമായി ഇന്ത്യന്‍ കപ്പല്‍ ശിവാലിക് ഹോര്‍മുസ് കടലിടുക്ക് കടന്നതായി റിപ്പോര്‍ട്ട്. തന്ത്രപ്രധാനമായ ഈ സമുദ്ര മേഖലയിലൂടെ ഇന്ത്യന്‍ നാവികസേനയുടെ സുരക്ഷാ അകമ്പടിയോടെയാണു കപ്പല്‍ യാത്ര ചെയ്തത്. അടുത്ത ആറ് മണിക്കൂറിനുള്ളില്‍ എല്‍പിജിയുമായി മറ്റൊരു കപ്പല്‍ പുറപ്പെടുമെന്നും ഉദ്യോഗസ്ഥര്‍ സൂചിപ്പിച്ചു.

ഇന്ത്യ ഇറാന്റെ വിശ്വസ്ത പങ്കാളിയാണെന്നും ഇന്ത്യയുടെ കപ്പലുകള്‍ക്ക് ബുദ്ധിമുട്ടുകള്‍ നേരിടേണ്ടി വരില്ലെന്നും ഇന്ത്യയിലെ ഇറാന്‍ അംബാസഡര്‍ മുഹമ്മദ് ഫത്താലി പറഞ്ഞു. ''ഇന്ത്യ നമ്മുടെ സുഹൃത്താണ്. ഒന്നോ രണ്ടോ മണിക്കൂറിനുള്ളില്‍ അതു നിങ്ങള്‍ക്കു മനസ്സിലാകും. ഇറാനും ഇന്ത്യയും പൊതുവായ താല്‍പ്പര്യങ്ങള്‍ പങ്കുവെക്കുന്നു എന്നാണു ഞങ്ങള്‍ വിശ്വസിക്കുന്നത്'' മുഹമ്മദ് ഫത്താലി പറഞ്ഞു.