അപമാനകരമായ സമീപനമാണ് കേന്ദ്രസര്ക്കാരിന്റേത്; അമേരിക്കയുടെ ജൂനിയര് പങ്കാളിയായി ഇന്ത്യ മാറുന്നുവെന്ന് എം.വി.ഗോവിന്ദന്
ചേരിചേരാ നയമുണ്ടായിരുന്ന ഇന്ത്യ ഇന്ന് അമേരിക്കയ്ക്ക് പൂര്ണമായി വിധേയപ്പെട്ടുവെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദന്. അമേരിക്കയുടെ ജൂനിയര് പങ്കാളിയായി ഇന്ത്യ മാറുന്നു. കോണ്ഗ്രസ് പിന്തുടര്ന്നുവന്ന നയവും ബിജെപിയുടെ നയവും ഒന്ന്. ഇന്ത്യന് മാര്ക്കറ്റ് അമേരിക്കയ്ക്ക് തുറന്നു കൊടുത്തതോടെ കര്ഷകര് പ്രതിസന്ധിയിലായി. ഇന്ത്യയ്ക്ക് ആവശ്യമുള്ള സാധനങ്ങള് എവിടെ നിന്ന് വാങ്ങണമെന്ന് അമേരിക്ക തീരുമാനിക്കുന്നു.
റഷ്യയില് നിന്ന് എണ്ണ സ്വീകരിക്കാന് അമേരിക്കയുടെ അനുവാദത്തിന് കാത്തിരിക്കുന്നു. അപമാനകരമായ സമീപനമാണ് കേന്ദ്രസര്ക്കാരിന്റേത്. അമേരിക്കയുടെ ദാസ്യന്മാരായി ഇന്ത്യ മാറുന്നു. ഇടതുപക്ഷം ആദ്യം തന്നെ മുന്നറിയിപ്പ് നല്കിയതാണ്. അതാണിപ്പോള് യാഥാര്ത്ഥ്യമാകുന്നത്. യുദ്ധം അടുക്കളയെ പോലും ബാധിച്ചിരിക്കുന്നു.പാചകവാതകം ലഭ്യമല്ലാത്ത സാഹചര്യം. ഇതൊന്നും തങ്ങള്ക്ക് ബാധകമല്ലെന്ന് ചിന്തിക്കുന്നവരുടെ കണ്ണ് തുറപ്പിക്കുന്നതാണ് ഇപ്പോഴത്തെ സംഭവവികാസങ്ങള്. പാചകവാതക ക്ഷാമം, ആരാധനാലയങ്ങള്, വൃദ്ധസദനങ്ങള്, സ്കൂളുകള് എന്നിവിടങ്ങളില് ഭക്ഷണം ഉറപ്പുവരുത്തണം. ഇതില് പാര്ട്ടി പ്രവര്ത്തകര് ശ്രദ്ധിക്കണം. ശ്മശാനങ്ങളിലും ബദല് സംവിധാനം ഉറപ്പാക്കണമെന്നും എം വി ഗോവിന്ദന് ആവശ്യപ്പെട്ടു.
പാചകവാതകം ക്ഷാമം മൂലം ബുദ്ധിമുട്ട് അനുഭവിക്കുന്ന സാഹചര്യം ഒഴിവാക്കാന് പാര്ട്ടി അംഗങ്ങള് മുന്നിട്ടിറങ്ങണം. പൂഴ്ത്തി വെപ്പ് നടക്കുന്നില്ല എന്ന് ഉറപ്പാക്കാന് ജനകീയ ഇടപെടല് വേണം. ഇപ്പോഴത്തെ പ്രതിസന്ധിയിലേക്ക് തള്ളിവിട്ടത് കേന്ദ്രസര്ക്കാര്.ദേശീയപാതാ ഉദ്ഘാടനം, പൊതുമരാമത്ത് മന്ത്രിയെ ഒഴിവാക്കിയത് പ്രതിഷേധാര്ഹമെന്ന് കേരളം ഒറ്റക്കെട്ടായി പറഞ്ഞു. ശിലാഫലകത്തില് മന്ത്രിയുടെ പേര് ഉണ്ടായിരുന്നു. രാഷ്ട്രീയ നിലപാടിന്റെ പേരില് പിന്നീട് ഉപേക്ഷിക്കുകയാണ് ഉണ്ടായത്. രാഷ്ട്രീയ താല്പര്യങ്ങള്ക്കായി സംസ്ഥാനത്തിന്റെ അവകാശത്തെ പോലും ഇല്ലാതാക്കുന്നു.ഇത്തരം ചെയ്തികള്ക്കെതിരെ പ്രതിഷേധം ഉയരണം. വലിയ ഭൂരിപക്ഷത്തോടെ മൂന്നാം ടേമിലും എല്ഡിഎഫ് അധികാരത്തില് വരും. സ്ഥാനാര്ഥി ചര്ച്ച ഘഉഎ ല് പൂര്ത്തിയായി വരുന്നു. തിയതി പ്രഖ്യാപിക്കുന്ന ഉടന് തന്നെ സ്ഥാനാര്ത്ഥികളെ പ്രഖ്യാപിക്കുമെന്നും അദ്ദേഹം വ്യക്തമാക്കി.
ശബരിമല യുവതി പ്രവേശനം,നിയമപരമായ കാര്യങ്ങള് നോക്കും. പരിശോധിച്ച് ആവശ്യമായ നിലയില് സംസ്ഥാന സര്ക്കാര് മറുപടി നല്കണം. ഇതാണ് സെക്രട്ടേറിയറ്റില് തീരുമാനിച്ചത്. ഞങ്ങള് ഒരു മാറ്റവും ഉദ്ദേശിക്കുന്നില്ല. ഇന്നത്തെ പരിതസ്ഥിതിയില് നിന്നുകൊണ്ടുള്ള നിലപാട് സ്വീകരിക്കും.ഒരു നിലപാട് മാറ്റവും ഞങ്ങള് പറയുന്നില്ല. യുവതി പ്രവേശനം വേണോ വേണ്ടയോ എന്നതല്ല സുപ്രീംകോടതിയുടെ ചോദ്യം. അതിന്റെ പേരില് ആവശ്യമില്ലാതെ ചര്ച്ച നടത്തേണ്ട ആവശ്യമില്ല. അത് കോടതിയുടെ കാര്യമാണ്. ശബരിമലയുടെ മാത്രം പ്രശ്നമല്ല. കഴിഞ്ഞതവണ നല്കിയ നിലപാടില് ഉറച്ചുനിന്നുകൊണ്ടുള്ള നിലപാട് സ്വീകരിക്കും. ആചാരത്തിലും പരിഷ്കാരത്തിലും അറിവുള്ളവരുമായി 'സംസാരിച്ച് നിലപാട് സ്വീകരിക്കണം. പണ്ഡിതരുമായി ചര്ച്ച ചെയ്യണം.
https://www.facebook.com/Malayalivartha
