രണ്ട് നാലുദിനം കൊണ്ടൊരുത്തനെ... ആസാദ് കശ്മീര് എന്ന ഫേസ്ബുക്ക് കുറിപ്പിലെ പരാമര്ശത്തില് മുന്മന്ത്രി കെടി ജലീലിനെതിരെ ഇന്ന് നിര്ണായക വിധി; ദില്ലി റോസ് അവന്യൂ കോടതി വിധി അനുസരിച്ചായിരിക്കും ഡല്ഹിയിലെ കേസ്; കേസെടുത്താല് ചോദ്യം ചെയ്യാനായി ഡല്ഹിയില് പോകേണ്ടി വരും
മുന്മന്ത്രി കെടി ജലീലിന്റെ ആസാദ് കശ്മീര് എന്ന ഫേസ്ബുക്ക് കുറിപ്പിലെ പരാമര്ശം വീണ്ടും ചര്ച്ചയാകുകയാണ്. കെ ടി ജലീലിനെതിരെ കേസെടുക്കണമെന്നാവശ്യപ്പെട്ട് നല്കിയ ഹര്ജി ദില്ലി റോസ് അവന്യൂ കോടതി ഇന്ന് പരിഗണിക്കും. ഇന്നത്തെ കോടതി വിധി ജലീലിനെ സംബന്ധിച്ച് നിര്ണായകമാണ്.
ഉച്ചയ്ക്ക് ശേഷം അഡീഷണല് മെട്രോപോളിറ്റന് മജിസ്ട്രേറ്റാണ് ഹര്ജി പരിഗണിക്കുന്നത്. നേരത്തെ പരാതിയില് സ്വീകരിച്ച നടപടികള് പൊലീസ് കോടതിയില് റിപ്പോര്ട്ടായി നല്കിയിരുന്നു. സമാന പരാതിയില് കേരളത്തില് കേസെടുത്തിട്ടുണ്ടെന്നും കോടതി നിര്ദേശിച്ചാല് പുതിയ കേസെടുക്കാമെന്നുമാണ് തിലക് മാര്ഗ് പൊലീസ് കോടതിയെ അറിയിച്ചത്. എന്തിനാണ് ഒരേ പരാതിയില് വ്യത്യസ്ത സംസ്ഥാനങ്ങളില് കേസെടുക്കുന്നത് എന്ന് വ്യക്തമാക്കാന് കോടതി പരാതിക്കാരനോട് പറഞ്ഞിരുന്നു.
ഇതിലാണ് കോടതി പരാതിക്കാരന്റെ വിശദമായ വാദം ഇന്ന് കേള്ക്കുക. അഭിഭാഷകനായ ജി എസ് മണിയാണ് ജലീലിനെതിരെ രാജ്യദ്രോഹകുറ്റം ചുമത്തി കേസെടുക്കണമെന്ന് ആവശ്യപ്പെട്ട് ആദ്യം പൊലീസിലും പിന്നീട് കോടതിയിലും പരാതി നല്കിയത്. ജലീലിനെതിരെ രാജ്യദ്രോഹ കേസ് എടുക്കണമെന്നതാണ് പരാതിക്കാരന്റെ ഹര്ജിയിലെ ആവശ്യം.
കേരളത്തിലെ നിയമനടപടികളില് വിശ്വാസമില്ലെന്നും ഹര്ജിയില് അദ്ദേഹം ആദ്യം തന്നെ വിശദീകരിച്ചിരുന്നു. ഇന്ത്യ അധീന കാശ്മീര്, ആസാദ് കാശ്മീര് തുടങ്ങിയ പരാമര്ശങ്ങളോട് കൂടിയ ജലീലിന്റെ ഫേസ്ബുക്ക് പോസ്റ്റാണ് വിവാദമായത്. അതേസമയം വിവാദ ഫേസ്ബുക്ക് പോസ്റ്റില് കെ ടി ജലീലിനെതിരെ നേരത്തെ പത്തനംതിട്ട കീഴ്വായ്പ്പൂര് പൊലീസ് കേസെടുത്തിരുന്നു. കലാപ ആഹ്വാന ഉദ്ദേശത്തോടെയാണ് ജലീല് ഫേസ്ബുക്ക് പോസ്റ്റ് ഇട്ടതെന്നാണ് എഫ് ഐ ആര്.
കീഴ്വായ്പൂര് പൊലീസ് സ്റ്റേഷനില് രജിസ്റ്റര് ചെയ്ത് കേസില് കെ ടി ജലീലിനെതിരെ രണ്ട് വകുപ്പുകളാണ് ചുമത്തിയിരിക്കുന്നത്. ഇന്ത്യന് ശിക്ഷാ നിയമം 153 ബി പ്രകാരം ദേശീയ മഹിമയെ അവഹേളിക്കല്, പ്രിവന്ഷന് ഓഫ് ഇന്സള്ട്ട് ടു നാഷണല് ഓണര് ആക്ട് എന്നിവയാണ് വകുപ്പുകള്. തീവ്രനിലപാടുള്ള ശക്തികളെ പ്രോത്സാഹിപ്പിക്കും വിധമുള്ള പ്രസ്താവന ഇറക്കി വികാരങ്ങളെ വ്രണപ്പെടുത്തി സ്പര്ദ വളര്ത്താന് ശ്രമിച്ചെന്നുമാണ് എഫ് ഐ ആര്. ഫേസ്ബുക്ക് പോസ്റ്റിലൂടെ ജലീല് ഭരണഘടനയെ അപമാനിക്കാന് ശ്രമിച്ചെന്നും എഫ് ഐ ആറില് പറയുന്നുണ്ട്.
ആര് എസ് എസ് ജില്ലാ പ്രചാരക് പ്രമുഖ് അരുണ് മോഹനാണ് കേസെടുക്കണമെന്ന് ആവശ്യപ്പെട്ട് തിരുവല്ല ജുഡീഷ്യല് മഡജിസ്ട്രേറ്റ് കോടതിയെ സമീപിച്ചത്. വിശദമായ അന്വേഷണത്തിന് ശേഷമായിരിക്കും ജലീലിന്റെ മൊഴി രേഖപ്പെടുത്തുന്നതടക്കമുള്ള തുടര് നടപടികളിലേക്ക് പൊലീസ് കടക്കുക.
വിവാദ കശ്മീര് പരാമര്ശത്തില് മുന് മന്ത്രി കെ.ടി. ജലീല് എം.എല്.എക്കെതിരെ കേസെടുക്കാന് ഉത്തരവിടണമെന്ന് ഡല്ഹി പൊലീസാണ് ആവശ്യപ്പെട്ടത്. ഇക്കാര്യം റോസ് അവന്യൂ കോടതിയിലാണ് ഡല്ഹി പൊലീസ് ആവശ്യപ്പെട്ടത്. ആ കേസിലാണ് ഇന്ന് കോടതി വാദം കേള്ക്കുന്നത്.
കശ്മീര് സന്ദര്ശിച്ച ശേഷം ഫേസ്ബുക്കില് കെ.ടി. ജലീലിട്ട പോസ്റ്റിലെ പരമാര്ശങ്ങള് ഏറെ വിവാദങ്ങള്ക്കിടയാക്കിയിരുന്നു. 'പാക് അധീന കശ്മീര്' എന്ന് ഇന്ത്യ വിശേഷിപ്പിക്കുന്ന പ്രദേശത്തെ 'ആസാദ് കശ്മീര്' എന്നാണ് പോസ്റ്റില് ജലീല് വിശേഷിപ്പിച്ചത്. ഇത് പാകിസ്താന് അനുകൂലികള് നടത്തുന്ന പ്രയോഗമാണെന്നായിരുന്നു വിമര്ശനം. വിഭജന കാലത്ത് കശ്മീര് രണ്ടായി വിഭജിച്ചിരുന്നു എന്നായിരുന്നു ജലീലിന്റെ മറ്റൊരു പരാമര്ശം.
"
https://www.facebook.com/Malayalivartha
