ആ കാഴ്ച കണ്ട് അലറിക്കരഞ്ഞ്..... വീട്ടിലേക്ക് കൂട്ടിക്കൊണ്ടു പോകാനായി കാത്തു നില്ക്കുകയായിരുന്ന സഹോദരന്റെ മുന്നില് യുവതി കാറിടിച്ച് മരിച്ചു, സങ്കടം അടക്കാനാവാതെ ഉറ്റവരും ബന്ധുക്കളും
ആ കാഴ്ച കണ്ട് അലറിക്കരഞ്ഞ്..... വീട്ടിലേക്ക് കൂട്ടിക്കൊണ്ടു പോകാനായി കാത്തു നില്ക്കുകയായിരുന്ന സഹോദരന്റെ മുന്നില് യുവതി കാറിടിച്ച് മരിച്ചു.
കോട്ടയം മുത്തോലി സുമേഷ് ഭവനില് ജിത്തു മോഹന്റെ ഭാര്യ തൃഷ്ണയാണ് (31) മരിച്ചത്. ബസില് നിന്നിറങ്ങി റോഡ് മുറിച്ചുകടക്കുമ്പോഴാണ് തൃഷ്ണയെ കാറിടിച്ചത്.
കൊച്ചി അമൃത ആശുപത്രിയിലെ ജീവനക്കാരിയായ തൃഷ്ണ, ജോലി കഴിഞ്ഞ് ഞായറാഴ്ച രാത്രി ഒന്പതരയോടെ കടക്കരപ്പള്ളി തൈക്കലിലെ സ്വന്തം വീട്ടിലേക്കു പോകാനായി ചേര്ത്തല റെയില്വേ സ്റ്റേഷനു മുന്നില് ബസിറങ്ങി റോഡ് മുറിച്ചുകടക്കുമ്പോഴാണ് കാറിടിച്ചത്.
തൃഷ്ണയെ കൂട്ടിക്കൊണ്ടുപോകാന് സഹോദരന് ബ്രൈറ്റ്മോന് ബൈക്കുമായി കാത്തുനില്ക്കുന്നുണ്ടായിരുന്നു. ഗുരുതര പരുക്കേറ്റ തൃഷ്ണയെ ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. കടക്കരപ്പള്ളി തൈക്കല് തൃഷ്ണ ഭവനില് ബാബുവിന്റെയും ലീലാമണിയുടെയും മകളാണ്. മകന്: അര്നോള്ഡ്. സംസ്കാര ചടങ്ങുകള് നടന്നു.
"
https://www.facebook.com/Malayalivartha
