ആരോഗ്യമന്ത്രിയുടെ വാക്കും പഴയ ചാകും ഒന്നാവുന്നു? വീണ്ടും പ്രതിഷേധം കടുപ്പിക്കാനൊരുങ്ങി സർക്കാർ ഡോക്ടർമാർ; വെട്ടിക്കുറച്ച ശമ്പളവും ആനുകൂല്യങ്ങളും പുന:സ്ഥാപിച്ചില്ലെന്നതുൾപ്പെടെയുള്ള കാര്യങ്ങൾ ഉന്നയിച്ചാണ് പ്രതിഷേധം... എല്ലാ ജില്ലാ ആസ്ഥാനങ്ങളിലും ഡോക്ടർമാർ പ്രതിഷേധ ധർണ്ണ നടത്തും... ആരോഗ്യവകുപ്പ് ആസ്ഥാനത്തും പ്രതിഷേധ പരിപാടികൾ സംഘടിപ്പിക്കാനാണ് തീരുമാനം..
11ാം ശമ്പള പരിഷ്കരണത്തിൽ ഡോക്ടർമാരുടെ അടിസ്ഥാന ശമ്പളത്തിലടക്കം കുറവ് വരുത്തിയിരുന്നു. ഇതേ തുടർന്ന് നടന്ന പ്രതിഷേധത്തിന്റെ ഫലമായി പ്രശ്നം പരിഹരിക്കുമെന്നായിരുന്നു ആരോഗ്യമന്ത്രി ഉറപ്പ് നൽകിയിരുന്നത്. എന്നാൽ രേഖാമൂലം സംഘടനയ്ക്ക് ഉറപ്പ് നൽകിയിട്ടും ആരോഗ്യമന്ത്രി ആവശ്യമായ നടപടികൾ സ്വീകരിച്ചിട്ടില്ല. ഇതിൽ പ്രതിഷേധിച്ചാണ് കെ.ജി.എം.ഒ വീണ്ടും പ്രതിഷേധത്തിനൊരുങ്ങുന്നത്.
എന്നാൽ പ്രതിഷേധ പരിപാടികൾ ആശുപത്രി സേവനങ്ങളെ ബാധിക്കില്ലെന്ന് സംഘടന അറിയിച്ചു.
വെട്ടിക്കുറച്ച ശമ്പളവും ആനുകൂല്യങ്ങളും പുന:സ്ഥാപിച്ചില്ലെന്നതുൾപ്പെടെയുള്ള കാര്യങ്ങൾ ഉന്നയിച്ചാണ് പ്രതിഷേധം. എല്ലാ ജില്ലാ ആസ്ഥാനങ്ങളിലും ഡോക്ടർമാർ പ്രതിഷേധ ധർണ്ണ നടത്തും. ആരോഗ്യവകുപ്പ് ആസ്ഥാനത്തും പ്രതിഷേധ പരിപാടികൾ സംഘടിപ്പിക്കാനാണ് തീരുമാനം. സർക്കാർ ആവശ്യങ്ങൾ അംഗീകരിച്ചില്ലെങ്കിൽ അടുത്ത മാസം 11 കൂട്ട അവധിയെടുത്ത് സമരം ചെയ്യുമെന്ന് സംഘടന അറിയിച്ചു.
https://www.facebook.com/Malayalivartha
