ശ്രീനാരായണ ഗുരുദേവന്റെ മഹാസമാധിയുടെ 95ാം വാര്ഷികം ഇന്ന് നാടെങ്ങും ആചരിക്കും..... ഗുരുദേവന് മഹാസമാധിയില് വിലയിച്ച ശിവഗിരിയില് രാവിലെ 10 ന് മഹാസമാധി സമ്മേളനവും ഉപവാസ യജ്ഞവും ഗോവ ഗവര്ണര് അഡ്വ.പി.എസ്.ശ്രീധരന്പിള്ള ഉദ്ഘാടനം ചെയ്യും
ശ്രീനാരായണ ഗുരുദേവന്റെ മഹാസമാധിയുടെ 95ാം വാര്ഷികം ഭക്ത്യാദരവോടെയും പൂജകളോടെയും ഇന്ന് നാടെങ്ങും ആചരിക്കും.ഗുരുദേവന് മഹാസമാധിയില് വിലയിച്ച ശിവഗിരിയില് രാവിലെ 10 ന് മഹാസമാധി സമ്മേളനവും ഉപവാസ യജ്ഞവും ഗോവ ഗവര്ണര് അഡ്വ.പി.എസ്.ശ്രീധരന്പിള്ള ഉദ്ഘാടനം ചെയ്യും.
ശ്രീനാരായണ ധര്മ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ അദ്ധ്യക്ഷത വഹിക്കും.ധര്മ്മസംഘം ട്രസ്റ്റ് ജനറല് സെക്രട്ടറി സ്വാമി ഋതംഭരാനന്ദ, ട്രഷറര് സ്വാമി ശാരദാനന്ദ എന്നിവര് അനുഗ്രഹ പ്രഭാഷണം നടത്തും. ഗുരുധര്മ്മ പ്രചാരണസഭ സെക്രട്ടറി സ്വാമി ഗുരുപ്രസാദ്, സ്വാമി ബോധാനന്ദ സ്മൃതി പ്രഭാഷണവും അഡ്വ. വി.ജോയി എം.എല്.എ മുഖ്യപ്രഭാഷണവും നടത്തും. വര്ക്കല മുനിസിപ്പല് ചെയര്മാന് കെ.എം. ലാജി, ഡോ.സി.കെ.രവി, സമാധിദിനാചരണ കമ്മിറ്റി സെക്രട്ടറി സ്വാമി വിശാലാനന്ദ എന്നിവര് പ്രസംഗിക്കും.
കെ.പി.കയ്യാലയ്ക്കല് സ്മാരകഗ്രന്ഥം സ്വാമി സച്ചിദാനന്ദയില് നിന്ന് ഗവര്ണര് പി. എസ്. ശ്രീധരന്പിള്ള ഏറ്റുവാങ്ങി പ്രകാശനം ചെയ്യും. പുലര്ച്ചെ 5 ന് വിശേഷാല് പൂജ, ഹവനം തുടങ്ങിയ ചടങ്ങുകള് നടക്കും. ഏഴിന് ഡോ.ബി. സീരപാണിയുടെ പ്രഭാഷണം. ശിവഗിരി മഠത്തിന്റെ എല്ലാ ശാഖാ സ്ഥാപനങ്ങളിലും ഭക്തിനിര്ഭരമായ ചടങ്ങുകളോടെ മഹാസമാധി ആചരിക്കും
"
https://www.facebook.com/Malayalivartha
