മര്മതൈലം വില്പ്പനയ്ക്കായി വീട്ടിലെത്തി, തൈലം പുരട്ടാനെന്ന പേരില് പെണ്കുട്ടിയെ കടന്നുപിടിച്ച് പീഡിപ്പിച്ചു, വീട്ടിൽ തനിച്ചായിരുന്ന പ്രായപൂര്ത്തിയാകാത്ത പെൺകുട്ടി ബഹളമുണ്ടാക്കിയതോടെ ഓടിരക്ഷപെട്ട യുവാവ് ഒടുവിൽ പിടിയിൽ...!
കോട്ടയത്ത് മര്മതൈലം വില്ക്കാനെന്നപേരില് വീട്ടിലെത്തി പ്രായപൂര്ത്തിയാകാത്ത പെണ്കുട്ടിയ പീഡിപ്പിച്ച യുവാവ് അറസ്റ്റില്. മണിമല ഏറത്തുവടകര തോലുകുന്നല് വീട്ടില് വിഷ്ണു മോഹന് (28) നെയാണ് അറസ്റ്റ് ചെയ്തത്. ചിങ്ങവനം പോലീസ് ഇന്സ്പെക്ടര് ടി.ആര്.ജിജുവിന്റെ നേതൃത്വത്തിലുള്ള സംഘമാണ് യുവാവിനെ പിടികൂടിയത്.
വീടുകള്കയറി മര്മതൈലം വില്ക്കുന്നയാളാണ് പ്രതിയെന്ന് പോലീസ് പറഞ്ഞു. കഴിഞ്ഞദിവസം ചിങ്ങവനത്തെത്തിയ ഇയാള് തൈലം വില്പനയ്ക്കെന്ന പേരില് വീടുകള് കയറുന്നതിനിടെ തൈലം പുരട്ടാനെന്ന പേരില് പെണ്കുട്ടിയെ കടന്നുപിടിക്കുകയും പീഡിപ്പിക്കുകയുമായിരുന്നു. ഈ സമയം പെണ്കുട്ടി വീട്ടില് തനിച്ചായിരുന്നു. വിദ്യാര്ഥിനി ബഹളമുണ്ടാക്കിയതോടെ ഇയാള് ഓടിരക്ഷപെട്ടു.
തുടര്ന്ന് വീട്ടുകാരുടെ പരാതിയില് കേസെടുത്ത ചിങ്ങവനം പോലീസ് പ്രതിയെ പിടികൂടുകയായിരുന്നു.ചങ്ങനാശ്ശരി കോടതിയില് ഹാജരാക്കിയ പ്രതിയെ 14 ദിവസത്തേയ്ക്ക് റിമാന്ഡ് ചെയ്തു. എസ്.ഐ.അനീഷ് കുമാര്, സി.പി.ഒ. മാരായ സതീഷ്, സലമോന്, മണികണ്ഠന്, പ്രകാശ് എന്നിവര് ചേര്ന്നാണ് പ്രതിയെ പിടികൂടിയത്.
https://www.facebook.com/Malayalivartha
