നന്മണ്ടയിൽ കഞ്ചാവ് വിലപ്പനക്കാരായ യുവാക്കളെ പിടികൂടി. കൂളിപ്പൊയിൽ ആദിൽ (26), പാവണ്ടൂർ സുഫൈദ് (23), എഴുകുളം അർജുൻ (26), നന്മണ്ട 14 ആകാശ് (24) എന്നിവരെയാണ് കഞ്ചാവ് വിൽപ്പനക്കിടയിൽ പിടികൂടിയത്. തുടർന്ന് ഇവരിൽ നിന്നും 40 ഗ്രാം കഞ്ചാവും എക്സൈസ് സംഘം പിടിച്ചെടുത്തു.

തിങ്കളാഴ്ച്ച വൈകിട്ടായിരുന്നു സംഭവം. കൂളിപ്പൊയിൽ തിരുവാലക്കണ്ടി റോഡിൽ പാലത്തിന് സമീപത്തു നിന്ന് യുവാക്കളെ പിടികൂടുകയായിരുന്നു. തിരുവാലക്കണ്ടി പാലത്തിനു സമീപവും ഉപ്പക്കുനി ഭാഗത്തും സ്ഥിരമായി നാലംഗ സംഘം മയക്കുമരുന്നു വിൽപ്പന നടത്തുണ്ടെന്ന നാട്ടുകാരുടെ പരാതിയിൽ എക്സൈസ് സംഘം നിരീക്ഷിച്ചു വരികയായിരുന്നു.

ഇതോടെ എക്സൈസ് ഇൻസ്പെക്ടർ പി.സുരേഷിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. സംഭവത്തിനു പിന്നാലെ നാല് പേരെയും പിന്നീട് ബന്ധുക്കളുടെ ജാമ്യത്തിൽ വിട്ടു. ഇതേതുടർന്ന് മദ്യ മയക്കുമരുന്നു ലോബിക്കെതിരെ ശക്തമായ നടപടി സ്വീകരിക്കുമെന്നും ഇനിയുള്ള ദിവസങ്ങളിൽ രാത്രി പട്രോളിങ് ശക്തമാക്കുമെന്നും എക്സൈസ് അധികൃതർ അറിയിച്ചു.