പ്രസീത പുറത്തുവിട്ട ഫോണിലെ ശബ്ദം സുരേന്ദ്രന്റേത്; ബത്തേരി കോഴക്കേസില് ഫോറന്സിക് റിപ്പോര്ട്ട്
ബത്തേരി തിരഞ്ഞെടുപ്പ് കോഴക്കേസില് പ്രസീത അഴിക്കോട് പുറത്തുവിട്ട ഫോണ് സംഭാഷണത്തിലെ ശബ്ദം ബിജെപി സംസ്ഥാന അധ്യക്ഷന് കെ സുരേന്ദ്രന്റേത് തന്നെയെന്ന് സ്ഥിരീകരണം. ഇതുസംബന്ധിച്ച ഫോറന്സിക്കിന്റെ ശബ്ദ പരിശോധന റിപ്പോര്ട്ട് ക്രൈംബ്രാഞ്ച് സംഘത്തിന് കൈമാറി.
ജെആര്പി നേതാവ് സികെ ജാനുവിന് കൊടുത്ത പണത്തിന്റെ കണക്കാണ് ഇതുമായി ബന്ധപ്പെട്ട് പുറത്തുവന്നിരുന്നത്. പ്രസീത അഴിക്കോട് പുറത്തുവിട്ട ഫോണ് സംഭാഷണമാണ് കേസിലെ പ്രധാന തെളിവ്. സുരേന്ദ്രന് പുറമേ സികെ ജാനു, പ്രസീത അഴിക്കോട്, വയനാട്ടിലെ ബിജെപി നേതാവ് പ്രശാന്ത് മലവയല് എന്നിവരുടെ ശബ്ദവും തിരിച്ചറിഞ്ഞിട്ടുണ്ട്. പതിനാല് ഇലക്ട്രോണിക് ഉപകരണങ്ങളുടെ പരിശോധന ഫലമാണ് ലഭിച്ചത്.
ഫോറന്സിക് റിപ്പോര്ട്ടിന്റെ അടിസ്ഥാനത്തില് കെ സുരേന്ദ്രന്, സികെ ജാനു എന്നിവര്ക്കെതിരേ ഉടന് കുറ്റപത്രം സമര്പ്പിച്ചേക്കും. കഴിഞ്ഞ നിയമസഭാ തിരഞ്ഞെടുപ്പില് ബത്തേരിയില് എന്ഡിഎ സ്ഥാനാര്ഥിയാകാന് സികെ ജാനുവിന് സുരേന്ദ്രന് 35 ലക്ഷം രൂപ കോഴ നല്കിയെന്നാണ് കേസ്.
https://www.facebook.com/Malayalivartha
