എ കെ ജി സെന്റര് ആക്രണക്കേസില് യൂത്ത് കോണ്ഗ്രസ് പ്രവര്ത്തകന് കസ്റ്റഡിയില്.... മണ്വിള സ്വദേശിയായ ജിതിന് ആണ് ക്രൈം ബ്രാഞ്ചിന്റെ കസ്റ്റഡിയിലുള്ളത് , കവടിയാറിലെ ക്രൈംബ്രാഞ്ച് ഓഫീസില് ജിതിനെ ചോദ്യം ചെയ്യുന്നു
എ കെ ജി സെന്റര് ആക്രണക്കേസില് യൂത്ത് കോണ്ഗ്രസ് പ്രവര്ത്തകന് കസ്റ്റഡിയില്. മണ്വിള സ്വദേശിയായ ജിതിന് ആണ് ക്രൈം ബ്രാഞ്ചിന്റെ കസ്റ്റഡിയിലുള്ളത്. എ കെ ജി സെന്ററില് പടക്കമെറിഞ്ഞത് ജിതിനാണെന്നാണ് ക്രൈം ബ്രാഞ്ച് പറയുന്നത്. യൂത്ത് കോണ്ഗ്രസ് ആറ്റിപ്ര മണ്ഡലം പ്രസിഡന്റാണ് ജിതിന്. ഇയാളെ കവടിയാറിലെ ക്രൈംബ്രാഞ്ച് ഓഫീസില് ചോദ്യം ചെയ്തു വരുന്നു.
കഴിഞ്ഞ ജൂലൈ 30 ന് അര്ദ്ധരാത്രിയിലാണ് എകെജി സെന്ററിന് നേരെ പടക്കമേറുണ്ടായത്. ഭരിക്കുന്ന പാര്ട്ടിയുടെ സംസ്ഥാന കമ്മിറ്റി ആസ്ഥാനത്തെ ആക്രമണം വന് വിവാദമായി കത്തിപ്പടരുകയായിരുന്നു. സെന്ററിലുണ്ടായിരുന്ന പി കെ ശ്രീമതിയുടെ വിവരണത്തോടെ സംഭവം കൂടുതല് ചര്ച്ചയായി.
ആക്രമണം നടന്ന് മിനുട്ടുകള്ക്കുള്ളില് എല്ഡിഎഫ് കണ്വീനര് ഇപി ജയരാജന് പ്രതിയാരെന്ന് സ്വയം വിധിയെഴുതി. സംസ്ഥാനത്ത് ഉടനീളം വന് പ്രതിഷേധത്തിന് വഴിതെളിച്ച സംഭവത്തില് പൊലീസ് അതിവേഗം നടപടി തുടങ്ങി. രാത്രി തന്നെ ഫോറന്സിക് സംഘമെത്തി പരിശോധന തുടങ്ങി. നഗരത്തിലെ മിടുക്കരായ പൊലീസുകാരെ ഉള്പ്പെടുത്തി അന്വേഷണ സംഘം ഉണ്ടാക്കി.
സ്കൂട്ടറില് ഒരാള് വന്ന് പടക്കമെറിയുന്ന എകെജി സെന്ററിലെ സിസിടിവി ദൃശ്യമായിരുന്നു മുന്നിലെ ഏകപിടിവള്ളി. സംഭവം നടന്ന് മിനുട്ടുകള്ക്കുള്ളില് പുറത്തുവന്ന ഈ സിസിടിവി ദൃശ്യത്തിനപ്പുറം ഒരുമാസം പിന്നിടുമ്പോഴും ഒന്നും കണ്ടെത്താനായില്ല. നൂറിലേറെ സിസിടിവി ദൃശ്യങ്ങള് പരിശോധിച്ചു. പ്രതി സഞ്ചരിച്ചെന്ന സംശയിക്കുന്ന മോഡല് ഡിയോ സ്കൂട്ടര് ഉടമകളെ മുഴുവന് ചോദ്യം ചെയ്തു. പടക്കക്കച്ചടവക്കാരെ വരെ ചോദ്യം ചെയ്യുകയും ചെയ്തു.നിയമസഭ കഴിയുന്നതുവരെ പ്രത്യേക സംഘം അന്വേഷിച്ചിരുന്ന കേസ് പിന്നീടാണ് ക്രൈംബ്രാഞ്ചിന് കൈമാറിയത്.
"
https://www.facebook.com/Malayalivartha
