സൈബര് തട്ടിപ്പ് കേന്ദ്രങ്ങളുടെ ലിസ്റ്റില് കേരളവും... ഓണ്ലൈന് സമ്മാനക്കൂപ്പണ്, സ്വര്ണ നിക്ഷേപ തട്ടിപ്പുകളുടെ കേന്ദ്രം കേരളമാണെന്നാണ് മുംബൈ പൊലീസ് സൈബര് സെല്ലിന്റെ കണ്ടെത്തല്
സൈബര് തട്ടിപ്പ് കേന്ദ്രങ്ങളുടെ ലിസ്റ്റില് കേരളവും ഉണ്ടെന്ന് മുംബൈ പൊലീസ് സൈബര് സെല്ലിന്റെ കണ്ടെത്തല്. നോയിഡക്കും ഝാര്ഖണ്ഡിനും പിന്നാലെയാണ് സൈബര് തട്ടിപ്പുകളുടെ കേന്ദ്രമായി കേരളവും എത്തിയിരിക്കുന്നത്. ഓണ്ലൈന് സമ്മാനക്കൂപ്പണ്, സ്വര്ണ നിക്ഷേപ തട്ടിപ്പുകളുടെ കേന്ദ്രം കേരളമാണെന്നാണ് മുംബൈ പൊലീസ് സൈബര് സെല്ലിന്റെ കണ്ടെത്തല്. കഴിഞ്ഞ ഒന്നരമാസമായി മുംബൈ സൈബര് സെല്ലിന്റെ നിരീക്ഷണത്തിലാണ് കൊച്ചി.
മുംബൈ നഗരത്തിലെ പാന്ത് നഗര് പൊലീസ് സ്റ്റേഷനില് രജിസ്റ്റര് ചെയ്ത രണ്ട് കേസുകളിലെ അന്വേഷണമാണ് സൈബര് സെല്ലിനെ കേരളത്തില് എത്തിച്ചത്. സമ്മാനക്കൂപ്പണ് തട്ടിപ്പില് ഒരാള്ക്ക് ഏഴ് ലക്ഷവും സ്വര്ണ നിക്ഷേപ തട്ടിപ്പില് മറ്റൊരാള്ക്ക് 11 ലക്ഷം രൂപയും നഷ്ടപ്പെട്ടതായാണ് കേസുകള്.
ഓണ്ലൈന് വായ്പ തട്ടിപ്പിന്റെ കേന്ദ്രം പശ്ചിമ ബംഗാളും ബീഹാറുമാണ്. ലൈംഗിക ദൃശ്യങ്ങള്കാട്ടി ഭീഷണിപ്പെടുത്തുന്നതിന്റെ കേന്ദ്രം ഹരിയാനയും ഇന്ഷൂറന്സ് തട്ടിപ്പിന്റെ കേന്ദ്രം നോയിഡയും, വൈദ്യുത ബില്ലിന്റെ പേരിലുള്ള തട്ടിപ്പ് കേന്ദ്രം ഝാര്ഖണ്ഡുമാണെന്നാണ് സൈബര് സെല്ലിന്റെ കണ്ടെത്തല്.
https://www.facebook.com/Malayalivartha
