ഞാന് വീണ്ടും ചോദിച്ചതാണ് പോകണമോ എന്ന്... എനിക്ക് അകെ ഈ ഒരു കൊച്ചെ ഉള്ളു... ഈ പിതാവിന്റെ കണ്ണീരിന് ആര് സമാധാനം പറയും?
കേരളക്കരെ മാത്രമല്ല മനുഷ്യരായ എല്ലാവരെയും കണ്ണീരിലാഴ്ത്തിയ ഒരു വാര്ത്ത തന്നെയാണ് കഴിഞ്ഞദിവസം പുലര്ച്ചെ കേട്ടത്. കഴിഞ്ഞ ദിവസം വീട്ടില് നിന്നും സന്തോഷത്തോടെ പോയ കുഞ്ഞുങ്ങള് തിരികെയെത്തിയത് ആവട്ടെ ജീവനില്ലാത്ത അവസ്ഥയിലും. ഞാന് വീണ്ടും ചോദിച്ചതാണ് പോകണമോ എന്ന്... എനിക്ക് അകെ ഈ ഒരു കൊച്ചെ ഉള്ളു... ഈ പിതാവിന്റെ കണ്ണീരിന് ആര് സമാധാനം പറയും?
എങ്ങനെയാണ് ഒരു പിതാവ് ഇത് സഹിക്കുക. ഇക്കാര്യത്തെക്കുറിച്ച് ഉള്ളില് നിറയുന്ന വേദനയോടെ ഒരു അച്ഛന്റെ വാക്കുകള് ഇങ്ങനെയാണ്. സ്കൂള് ബസിലേക്ക് പോകുന്നതിനു തൊട്ടു മുന്പും ഞാന് കുഞ്ഞിനോട് ചോദിച്ചതാണ് പോകണമോ എന്ന്. ഒറ്റ കുഞ്ഞെയുള്ളൂ എവിടെയും വിടാറില്ല. സ്കൂളില് നിന്ന് പോകുന്നതാണ് അപകടങ്ങള് ഒക്കെ ഉണ്ടാകും എന്ന് ഒരു തോന്നല് ഉണ്ടായിരുന്നു. തട്ടേക്കാട് അപകടം ഒക്കെ നമുക്ക് അറിയാവുന്നതാണല്ലോ.
ഞാന് വീണ്ടും ചോദിച്ചതാണ് പോകണമോ എന്ന്. അവിടെ അരികിലുണ്ടായിരുന്ന രക്ഷിതാവിനോട് ഞാന് ഇക്കാര്യം പറയുകയും ചെയ്തു. ബസ് ഒരുപാട് താമസിച്ചാണ് വന്നത്. എന്താണ് ബസ് താമസിക്കുന്നത് എന്ന് തിരക്കിയപ്പോഴാണ് വേറെ എവിടെയോ ടൂര് പോയിട്ടാണ് ബസ് വരുന്നത് എന്ന് അറിഞ്ഞത്. അപ്പോള് തന്നെ ഞാന് ചോദിച്ചതാണ് ഇത് ആവശ്യമുണ്ടോ എന്ന്. വളരെ വേദനയോടെ പറയുന്ന ഈ അച്ഛന്റെ വാക്കുകള് ഒരു നൊമ്പരത്തോടെ മാത്രമാണ് ഓരോരുത്തരും കേള്ക്കുന്നത്. അതുപോലെ തന്നെ അപകടത്തില് മരിച്ച രോഹിത്തിന്റെ വീട്ടില് നിന്നും വേദനിപ്പിക്കുന്ന ദൃശ്യങ്ങളായിരുന്നു ആളുകള്ക്ക് കാണാന് സാധിച്ചിരുന്നത്.
മകന്റെ ജേഴ്സി കെട്ടിപ്പിടിച്ചു കൊണ്ടാണ് അമ്മ കരഞ്ഞത്, അനുജത്തി പറഞ്ഞത് ആവട്ടെ ചേട്ടന് കുറച്ചുനേരം കൂടി ഇരിക്കട്ടെ. എന്നിട്ട് കൊണ്ടു പോയാല് പോരെ എന്ന്. അത്രത്തോളം ഹൃദയഭേദകമായ കാഴ്ചകളായിരുന്നു ഇന്നലെ പലരും സാക്ഷ്യം വഹിച്ചത്. നോമ്പരിപ്പിക്കുന്ന നിമിഷങ്ങള് സമ്മാനിച്ചാണ് കുട്ടികളുടെ മൃതദേഹം കൊണ്ടുവന്നത്.
ആ നിമിഷം മുതല് ഉള്ള സംഭവങ്ങള് നൊമ്പരത്തോടെ മാത്രമേ ആര്ക്കും നോക്കി കാണാന് സാധിക്കു. ഒരു നാട് മുഴുവന് ഈ കുഞ്ഞുങ്ങള്ക്ക് യാത്രാമൊഴി അറിയിക്കുവാന് വേണ്ടി സ്കൂളില് എത്തിച്ചേര്ന്നു. ആഘോഷങ്ങളുടെയും ആവേശങ്ങളോടും യാത്രതിരിച്ച കുരുന്നുകള് തിരികെയെത്തിയത് ആവട്ടെ ചേതനയറ്റ നിലയില്. വിനോദ യാത്രയുടെ വിശേഷങ്ങള് വാതോരാതെ പറയാന് തിരികെയെത്തുന്ന അവരെ കാത്തിരുന്ന വീട്ടുകാര്ക്ക് മുന്പിലേക്ക് എത്തിയതും അവരുടെ ജീവനില്ലാത്ത ശരീരം. എങ്ങനെയാണ് വീട്ടുകാര് ഈ വേദനയെ അതിജീവിക്കുക എന്ന് ഇപ്പോഴും ആര്ക്കും മനസ്സിലാക്കാന് സാധിച്ചിട്ടില്ല.
https://www.facebook.com/Malayalivartha