യാത്രക്കാരുടെയും കെ എസ് ആര്‍ ടി സി ജീവനക്കാരുടെയും മൊഴി ഇന്ന് രേഖപ്പെടുത്തും... വടക്കഞ്ചേരിയില്‍ കെ എസ് ആര്‍ ടി സി ബസിലേക്ക് ടൂറിസ്റ്റ് ബസ് ഇടിച്ചുകയറിയുണ്ടായ അപകടത്തില്‍ അന്വേഷണം ഊര്‍ജ്ജിതമാക്കി പൊലീസ്....

കെ എസ് ആര്‍ ടി സി ബസ് പെട്ടെന്ന് നിര്‍ത്തിയതുകൊണ്ടാണ് അപകടമുണ്ടായതെന്നായിരുന്നു ഡ്രൈവര്‍ ജോജോ പത്രോസ് പറഞ്ഞിരുന്നത്. ഇതില്‍ വ്യക്തത വരുത്താനാണ് പൊലീസ് നടപടി.

ജോജോയെ വടക്കഞ്ചേരിയില്‍ നിന്ന് രക്ഷപ്പെടാനായി സഹായിച്ചവരെയും പൊലീസ് ചോദ്യം ചെയ്യും. ഇന്നലെ ബസുടമ അരുണിനെ പൊലീസ് അറസ്റ്റ് ചെയ്തിട്ടുണ്ടായിരുന്നു. മജിസ്ട്രേറ്റിന് മുന്നില്‍ ഹാജരാക്കിയ പ്രതികളെ രണ്ടാഴ്ചത്തേക്ക് റിമാന്‍ഡ് ചെയ്തിരിക്കുകയാണ്.


അതേസമയം, കഴിഞ്ഞ ദിവസം നിയമലംഘനം നടത്തിയ 134 വാഹനങ്ങള്‍ പിടികൂടിയിരുന്നു. വടക്കഞ്ചേരി അപകടത്തിന്റെ പശ്ചാത്തലത്തില്‍ വാഹനങ്ങളിലെ നിയമലംഘനങ്ങള്‍ കണ്ടെത്താനായി മോട്ടോര്‍ വാഹന വകുപ്പിന്റെ പരിശോധന ഇന്നും തുടരും. ഗതാഗത കമ്മീഷണറുടെ നിര്‍ദേശ പ്രകാരമാണ് സംസ്ഥാന വ്യാപകമായി പരിശോധന തുടരുന്നത്.