സ്വര്‍ണം കടത്തിയത് മെര്‍ക്കുറി പൊതിഞ്ഞ് വെള്ളി നിറമാക്കി... കരിപ്പൂര്‍ വിമാനത്താവളം വഴി കടത്തിയ ഒരു കിലോ സ്വര്‍ണം പൊലീസ് പിടിച്ചു, യാത്രക്കാരന്‍ പിടിയില്‍.

കരിപ്പൂര്‍ വിമാനത്താവളം വഴി കടത്തിയ ഒരു കിലോ സ്വര്‍ണമാണ് പൊലീസ് പിടിച്ചത്. അബുദാബിയില്‍ നിന്നും ദുബായ് വഴി കരിപ്പൂര്‍ വിമാനത്താവളത്തിലെത്തിയ മലപ്പുറം തിരൂര്‍ കൂട്ടായി സ്വദേശി അനീഷ് ബാബു (25) ആണ് പിടിയിലായത്.

ട്രോളി ബാഗിനകത്ത് രണ്ട് റോഡുകളായി ഒരു 1002 ഗ്രാം സ്വര്‍ണ്ണം മെര്‍കുറിയില്‍ പൊതിഞ്ഞ് വെള്ളി നിറത്തിലിക്കി ഒളിപ്പിച്ച് കടത്താനാണ് ഇയാള്‍ ശ്രമിച്ചത്. അഭ്യന്തര വിപണിയില്‍ 52 ലക്ഷം രൂപ വിലയോളം വരും.

കസ്റ്റംസ് പരിശോധനയ്ക്ക് ശേഷം 11 മണിയോടെ വിമാനത്താവളത്തില്‍ നിന്ന് പുറത്തിറങ്ങിയ അനീഷ് തന്നെ കൂട്ടാനെത്തിയ സുഹൃത്തുക്കളോടൊപ്പം കാറില്‍ കയറി പുറത്തേക്ക് പോകുന്ന വഴി ഗേറ്റിനടുത്ത് വെച്ചാണ് പിടിയിലായത്.



ചോദ്യം ചെയ്യലില്‍ കയ്യില്‍ സ്വര്‍ണമില്ലെന്ന് അനീഷ് പറഞ്ഞു. ശരീരത്തിലും വാഹനത്തിലുമെല്ലാം പരിശോധന നടത്തിയെങ്കിലും ഒന്നും ലഭിച്ചില്ല.
അതിനുശേഷം ട്രോളി ബാഗ് വിശദമായി പരിശോധിച്ചപ്പോഴാണ്, ബാഗിന്റെ ലോഹ ദണ്ഢിന് പകരമായി സ്വര്‍ണ്ണ ദണ്ഢ് പിടിപ്പിച്ച് അത് അലൂമിനിയം പാളികൊണ്ട് കവര്‍ ചെയ്ത ശേഷം പ്ലാസ്റ്റിക് ഷീറ്റ്‌കൊണ്ട് കവര്‍ ചെയ്ത് ഉള്‍ഭാഗത്ത് സ്വര്‍ണ്ണം ഉറപ്പിച്ച നിലയിലായിരുന്നു.