വെഞ്ഞാറമൂടിൽ ആംബുലൻസ് ബൈക്കിലിടിച്ച് യുവാവ് മരിച്ച സംഭവത്തിൽ നിർണായക വിവരങ്ങൾ പുറത്ത്. മെയിൽ നഴ്സായ അമലാണ് അപകട സമയത്ത് ആംബുലൻസ് ഓടിച്ചിരുന്നതെന്നാണ് പുറത്തുവരുന്ന റിപ്പോർട്ടുകൾ.ഉറക്കക്ഷീണം കാരണം ഡ്രൈവർ വിനീത്, അമലിനെ ആംബുലൻസ് ഓടിക്കാൻ നിർബന്ധിക്കുകയായിരുന്നു. ഇവർക്കെതിരെ അശ്രദ്ധ മൂലമുള്ള മരണത്തിന് പൊലീസ് കേസെടുത്തു. പുലർച്ചെ 6.20നായിരുന്നു അപകടം നടന്നത്. ഇടുക്കിയിൽ നിന്ന് മടങ്ങിവരികയായിരുന്നു ആംബുലൻസ്.

കാര്യ സ്‌കാനിങ് കേന്ദ്രത്തിലേക്ക് പ്രവേശിക്കുന്നതിനായി റോഡിൽ നിർത്തിയ ബൈക്കിലാണ് നിയന്ത്രണം വിട്ട ആംബുലൻസ് വന്നിടിച്ചത്.റോഡരികിൽ ബൈക്ക് നിർത്തി ഇറങ്ങുകയായിരുന്ന അച്ഛനും മകളുടെയും നേർക്കാണ് ആംബുലൻസ് പാഞ്ഞ് കയറിയത്. വെഞ്ഞാറമൂട് പാലവിള വീട്ടിൽ ഷിബു(36) മകൾ അലംകൃത(4) വയസ്സ് എന്നിവർക്കാണ് ഗുരുതരമായി പരിക്കറ്റത്.ഇരുവരെയും ആശുപത്രിയിലെത്തിച്ചെങ്കിലും ഷിബു മരണപ്പെടുകയായിരുന്നു.

മകളുടെ നില ഗുരുതരമായി തുടരുകയാണ്.അതിവേഗത്തിൽ വന്ന ആംബുലൻസ് ഇടിച്ചാണ് വഴിയരികിൽ നിൽക്കുകയായിരുന്ന അച്ഛനും മകൾക്കും പരിക്കേറ്റത്. ഇവർ വെഞ്ഞാറമൂട് സ്വദേശികളാണ്.കട്ടപ്പനയിൽ രോഗിയുമായി പോയി മടങ്ങി വരികയായിരുന്ന ആംബുലൻസാണ് അപകടമുണ്ടാക്കിയത്.