ഗുരുവായൂര് ക്ഷേത്രത്തില് തുലാഭാരം നടത്തി നല്കുന്ന കരാറുകാരനും ജീവനക്കാരും തട്ടില്പ്പണവും ദക്ഷിണയും വാങ്ങുന്നതിന് ഹൈക്കോടതിയുടെ വിലക്ക്
ഗുരുവായൂര് ക്ഷേത്രത്തില് തുലാഭാരം നടത്തി നല്കുന്ന കരാറുകാരനും ജീവനക്കാരും തട്ടില്പ്പണവും ദക്ഷിണയും വാങ്ങുന്നതിന് ഹൈക്കോടതിയുടെ വിലക്ക്.
തട്ടില്പ്പണം എന്ന പേരില് കരാറുകാരന് ഭക്തരില് നിന്നു പണം വാങ്ങുന്നെന്ന വാര്ത്തകളെത്തുടര്ന്ന് സ്വമേധയാ പരിഗണിച്ച കേസ് തീര്പ്പാക്കിയാണ് ജസ്റ്റിസ് അനില് കെ. നരേന്ദ്രന്, ജസ്റ്റിസ് പി.ജി. അജിത്ത് കുമാര് എന്നിവരുള്പ്പെട്ട ഡിവിഷന് ബെഞ്ചിന്റെ ഉത്തരവ്.
ദക്ഷിണയെന്ന പേരില് കരാറുകാരനോ ദേവസ്വം ജീവനക്കാരനോ കാശു വാങ്ങുന്നില്ലെന്ന് ദേവസ്വം മാനേജിംഗ് കമ്മിറ്റിയും ജീവനക്കാരും ഉറപ്പു വരുത്തേണ്ടതാണ്.
ഭക്തര് പണം നല്കുന്നതു വിലക്കി മലയാളം, ഇംഗ്ളീഷ്, ഹിന്ദി. തമിഴ്, കന്നട, തെലുങ്ക് ഭാഷകളില് ബോര്ഡുകള് സ്ഥാപിക്കണം. തുലാഭാരത്തിനുള്ള സാധനങ്ങള് സൂക്ഷിച്ചിട്ടുണ്ടെന്നും ഇതിനായി ഭക്തരെ ചൂഷണം ചെയ്യുന്നില്ലെന്നും ഉറപ്പാക്കണം. ഇക്കാര്യം ഉറപ്പുവരുത്താനായി ക്ഷേത്രത്തിലെ സി.സി.ടി.വി കാമറകള് കൃത്യമായ ഇടവേളകളില് പരിശോധിക്കണമെന്നും നിര്ദ്ദേശിച്ച് കോടതി.
"
https://www.facebook.com/Malayalivartha
