കൊടൈകനിലേയ്ക് യാത്ര പോവുകയായിരുന്ന ബുസിനെയാണ് വിശദമായി മോട്ടോർ വാഹന വകുപ്പ് പരിശോധിച്ചത്.എടത്തല എം.ഇ.എസ്. കോളേജില്‍നിന്ന് പുറപ്പെട്ട 'എക്സ്പ്ലോഡ്' ബസാണ് വാഴക്കുളത്തു വെച്ച് ആലുവ ജോയിന്റ് ആര്‍.ടി.ഒ.യുടെ നേതൃത്വത്തിലുള്ള സംഘം പിടിച്ചത്.ബസിന്റെ ബോഡിയുടെ നിറം മാറ്റിയെന്നും അനധികൃത കൂട്ടിച്ചേര്‍ക്കലുകള്‍ നടത്തിയെന്നും നിയമവിധേയമല്ലാത്ത ലൈറ്റുകളും ഉയര്‍ന്ന ശബ്ദസംവിധാനവും പിടിപ്പിച്ചിരുന്നു എന്നും മോട്ടോര്‍ വാഹന വകുപ്പ് അധികൃതര്‍ അറിയിച്ചു.കൂടാതെ അടിയന്തര പരിശോധനയില്‍ ബസില്‍ ഒട്ടേറെ നിയമലംഘനങ്ങള്‍ കണ്ടെത്തിയതിനാലാണ് യാത്ര മുടക്കി ബസ് പിടിച്ചെടുത്തത്.

വിനോദയാത്ര പോകുന്നതിന് മുന്‍പായി വാഹനങ്ങളുടെ വിവരങ്ങള്‍ മോട്ടോര്‍ വാഹന വകുപ്പിന് നല്‍കണമെന്ന് കോളേജില്‍ അറിയിച്ചിരുന്നു. വാഹനം പരിശോധിച്ച് മോട്ടോര്‍ വാഹന വകുപ്പിന്റെ അനുമതി തേടണമെന്നും അറിയിച്ചിരുന്നു. തുടർന്ന് നടത്തിയ അടിയന്തര പരിശോധനയിലാണ് നിയമ ലംഘനങ്ങള്‍ കണ്ടെത്തിയത്.ബസ് കസ്റ്റഡിയിലെടുത്തതോടെ വിദ്യാര്‍ഥികളുടെ യാത്ര മുടങ്ങി. കൊടൈക്കനാലിലേക്കായിരുന്നു യാത്ര. കോളേജില്‍നിന്ന് യാത്ര ആരംഭിച്ചതിനു പിന്നാലെയാണ് മോട്ടോര്‍ വാഹന വകുപ്പ് അധികൃതര്‍ എത്തി ബസ് പിടിച്ചത്.