കോവിഡ് പോസിറ്റീവാകുന്ന സര്ക്കാര്, അര്ധസര്ക്കാര്, പൊതുമേഖലാ സ്ഥാപനങ്ങളിലെ താല്ക്കാലിക ദിവസ വേതന- കരാര് ജീവനക്കാര്ക്കും അഞ്ചുദിവസം അവധി അനുവദിക്കാന് നിര്ദ്ദേശവുമായി ധനവകുപ്പ്
കോവിഡ് പോസിറ്റീവാകുന്ന സര്ക്കാര്, അര്ധസര്ക്കാര്, പൊതുമേഖലാ സ്ഥാപനങ്ങളിലെ താല്ക്കാലിക ദിവസ വേതന- കരാര് ജീവനക്കാര്ക്കും അഞ്ചുദിവസം അവധി അനുവദിക്കാന് നിര്ദ്ദേശവുമായി ധനവകുപ്പ്.
തുടര്ച്ചയായി വരുന്ന പൊതു അവധി ദിവസങ്ങള് ഉള്പ്പെടെയുള്ള അഞ്ചു ദിവസം അനുവദിക്കാനാണു നിര്ദേശം. ഈ ദിവസം ഡ്യൂട്ടിയായി പരിഗണിച്ച് വേതനം അനുവദിക്കണമെന്നും നിര്ദേശിച്ചു.
സര്ക്കാര് മെഡിക്കല് ഓഫീസറുടെ സര്ട്ടിഫിക്കറ്റിന്റെ അടിസ്ഥാനത്തിലാണ് അവധി അനുവദിക്കുക. സ്ഥിരം ജീവനക്കാര്ക്കും അവധി അഞ്ചുദിവസമായി ചുരുക്കി നേരത്തെ ഉത്തരവിറക്കിയിരുന്നു. അഞ്ചുദിവസത്തിനു ശേഷം ആന്റിജന് പരിശോധന നടത്തി നെഗറ്റീവായാല് കോവിഡ് മാനദണ്ഡങ്ങള് പാലിച്ച് ഓഫീസില് ഹാജരാകേണ്ടതാണ്.
നെഗറ്റീവ് ആകാത്തവര്ക്ക് അടുത്ത രണ്ടുദിവസം അര്ഹമായ മറ്റേതെങ്കിലും അവധി എടുത്തശേഷം ഹാജരാകണം. പ്രാഥമിക സമ്പര്ക്കത്തില് വരുന്ന ജീവനക്കാര് ഓഫീസില് ഹാജരാകുകയും അക്കാര്യം വെളിപ്പെടുത്തുകയും കോവിഡ് മാനദണ്ഡങ്ങള് പാലിക്കുകയും വേണമെന്നും നിര്ദേശിച്ചു.
"
https://www.facebook.com/Malayalivartha
