പുതിയ തീരുമാനത്തിൽ അന്ത്യശാസനവുമായി ഗവർണ്ണർ! പാലിച്ചില്ലെങ്കിൽ പണി പാളും? കേരള സർവകലാശാല വൈസ് ചാൻസലർക്ക് ഇതാ അന്ത്യശാസനവുമായി ഗവർണ്ണർ രംഗത്ത് വന്നിരിക്കുകയാണ്. താൻ പിൻവലിക്കാൻ നിർദേശിച്ച 15 സെനറ്റ് അംഗങ്ങളെ പിൻവലിച്ചു എന്ന ഉത്തരവ് ഇന്ന് തന്നെ ഇറക്കണമെന്നാണ് ഗവർണ്ണർ നിർദേശം കൊടുത്തിരിക്കുന്നത് .

സെനറ്റ് അംഗങ്ങളെ പിൻവലിച്ച ഗവർണറുടെ നടപടി ചട്ട വിരുദ്ധമാണെന്നും അംഗങ്ങളെ പിൻവലിക്കാൻ കഴിയില്ലെന്നും വൈസ് ചാൻസലർ മറുപടി നൽകിയിരുന്നു . ഇതേത്തുടർന്നാണ് ഇന്ന് തന്നെ ഉത്തരവിറക്കണമെന്ന അന്ത്യശാസനവുമായി ഗവർണർ രംഗത്തെത്തിയത് . തുടരെ തുടരെ ഗവർണ്ണറുടെ നിർദേശങ്ങൾ പാലിക്കാതെയുള്ള നീക്കമാണ് കേരള വിസി കാണിച്ച് കൊണ്ടിരിക്കുന്നത്.

ഗവർണ്ണറുടെ പുതിയ നിർദേശവും അത്തരത്തിൽ തള്ളി കളയുമോ പാലിക്കുമോ എന്നതാണ് ശ്രദ്ധേയമായ കാര്യം. വിസി നിർണയ സമിതിയിലേക്കുള്ള കേരള സർവകലാശാല പ്രതിനിധിയെ നിർദ്ദേശിക്കാൻ ചേർന്ന സെനറ്റ് യോഗത്തിൽ നിന്നും വിട്ടു നിന്ന അംഗങ്ങളെയാണ് ചാൻസിലർ അയോഗ്യരാക്കിയത്.ചാൻസലറെന്ന നിലയിൽ താൻ നോമിനേറ്റ് ചെയ്ത അംഗങ്ങളെ കൂടെയാണ് ഗവർണർ പിൻവലിച്ചത്.

കഴിഞ്ഞ ദിവസം ഗവർണ്ണറുടെ ഈ തീരുമാനത്തിനെതിരെ കേരളം വിസി ഗവർണ്ണർക്ക് കത്തയച്ചിരുന്നു. കേരള സര്‍വകലാശാല സെനറ്റ് അംഗങ്ങളെ പിന്‍വലിച്ച് കൊണ്ടുള്ള ഗവർണറുടെ തീരുമാനം തള്ളുകയായിരുന്നു കേരള വി സി. 15 അംഗങ്ങളെ പിൻവലിച്ച ഗവർണറുടെ നിലപാടിനെതിരെ പരസ്യമായി രംഗത്ത് വരികയായിരുന്നു. സെനക്ട് അംഗങ്ങളെ പിൻവലിച്ച നടപടി ചട്ടവിരുദ്ധമാണെന്ന് വിസി ചൂണ്ടി കാണിച്ചു. ഈ തീരുമാനം റദ്ദാക്കാണമെന്ന് ആവശ്യപ്പെട്ട് ഗവർണർക്ക് കത്ത് അയക്കുകയും ചെയ്തു.

ഇന്ത്യൻ കോൺസ്റ്റിറ്റ്യൂഷൻ ഗവർണർക്കും ബാധകമാണെന്ന് വിസി പറഞ്ഞു. വിസിയുടെയോ അവരുടെ വാദം കേൾക്കാതെയോ ആണ് ഇത്തരത്തിൽ ഒരു തീരുമാനം ഗവർണർ എടുത്തത്. തീർച്ചയായിട്ടും ഇത് ചട്ട വിരുദ്ധമായ കാര്യമാണ്. ഗവർണർ പിരിച്ചുവിട്ടവരിൽ പലരും ക്ലാസുകളിൽ പഠിപ്പിച്ചു കൊണ്ട് നിന്നവർ കൂടിയാണ്. ഈ സാഹചര്യത്തിൽ അവരെ പിരിച്ചുവിടാൻ ആകില്ല എന്നാണ് വി സി ചൂണ്ടിക്കാണിച്ചത്.

ഗവർണർക്ക് അയച്ച കത്തിൽ ഈ തീരുമാനം പുന പരിശോധിക്കണമെന്ന് ആവശ്യപ്പെട്ടിട്ടുണ്ടായിരുന്നു. വിസിയുടെ കത്ത് വന്നോതോടെയാണ് അതിന് മറുപടിയെന്നോണം 15സെനറ്റ് അംഗങ്ങളെ പിൻവലിച്ച ഉത്തരവ് ഇന്നിറക്കണം എന്നഅന്ത്യശാസനം കേരള വിസിയ്ക്ക് ഗവർണർ കൊടുത്തത്.