മാധ്യമപ്രവര്ത്തകന് കെ.എം. ബഷീര് വാഹനമിടിച്ച് മരിച്ച കേസില് പ്രതികള്ക്കെതിരേ ചുമത്തിയ നരഹത്യവകുപ്പ് കോടതി ഒഴിവാക്കി.... കേസിലെ പ്രതികളായ രണ്ടുപേരും സമര്പ്പിച്ച വിടുതല് ഹര്ജിയിലാണ് തിരുവനന്തപുരം അഡീഷണല് ജില്ലാ സെഷന്സ് കോടതി വിധി പറഞ്ഞത്
മാധ്യമപ്രവര്ത്തകന് കെ.എം. ബഷീര് വാഹനമിടിച്ച് മരിച്ച കേസില് പ്രതികള്ക്കെതിരേ ചുമത്തിയ നരഹത്യവകുപ്പ് കോടതി ഒഴിവാക്കി.... കേസിലെ പ്രതികളായ രണ്ടുപേരും സമര്പ്പിച്ച വിടുതല് ഹര്ജിയിലാണ് തിരുവനന്തപുരം അഡീഷണല് ജില്ലാ സെഷന്സ് കോടതി വിധി പറഞ്ഞത്
ഇനി 304 വകുപ്പ് പ്രകാരം,വാഹന അപകട കേസില് മാത്രം വിചാരണ നടക്കും.കേസ് ഇനി മജിസ്ട്രേറ്റ് കോടതി പരിഗണിക്കും.വണ്ടിയിടിപ്പിച്ച് കൊലപ്പെടുത്തി എന്ന രീതിയിലാവില്ല ഇനി കേസ്, അപകടമുണ്ടായപ്പോള് മരിച്ചു എന്ന രീതിയില് മാത്രമാകും കേസിന്റെ വിചാരണ നടക്കുക.
2019 ഓഗസ്റ്റ് മൂന്നിന് പുലര്ച്ചെ ഒരു മണിക്കാണ് മ്യൂസിയത്തിന് സമീപം വച്ച് ശ്രീറാം വെങ്കിട്ടരാമന് ഐ എ എസ് ഓടിച്ച കാറിടിച്ച് മാധ്യമപ്രവര്ത്തകന് കെ എം ബഷീര് മരിച്ചത്. വഫ ഫിറോസിന്റെ പേരിലുള്ളതായിരുന്നു കെ എം ബഷീറിനെ ഇടിച്ച വാഹനം.
മദ്യപിച്ച് വാഹനം ഓടിച്ചതിന് തെളിവില്ലെന്നും സാധാരണ അപകടമെന്ന നിലയിലുള്ള കേസ് മാത്രമേ നിലനില്ക്കു എന്നുമായിരുന്നു ശ്രീ റാം വെഹ്കിട്ടരാമന്റെ ഹര്ജിയിലെ വാദം. കേസിലെ രണ്ടാം പ്രതി വഫ ഫിറോസ് നല്കിയ വിടുതല് ഹര്ജിയില് താന് നിരപരാധിയാണെന്നും ഒഴിവാക്കണമെന്നുമായിരുന്നു വാദം.
അപകടകരമായി വാഹനം ഓടിക്കാന് ഒന്നാം പ്രതി ശ്രീറാം വെങ്കിട്ടരാമനെ പ്രേരിപ്പിച്ചുവെന്നാണ് വഫക്കെതിരായ കേസ്. എന്നാല്, കേസില് ഗൂഡാലോചനയില് പങ്കുള്ള വഫയുടെ ഹര്ജി തള്ളണമെന്ന് പ്രോസിക്യൂഷന് വാദിച്ചു.തെളിവ് നശിപ്പിച്ചെന്ന കുറ്റവും വഫയ്ക്കെതിരെ ചുമത്തിയിരുന്നു.
എന്നാല്, കുറ്റപത്രത്തില് അന്വേഷണ സംഘം ഉള്പ്പെടുത്തിയ 100 സാക്ഷികളില് ഒരാള് പോലും വഫയ്ക്കെതിരെ മൊഴി നല്കിയിട്ടില്ല. ഇക്കാര്യം വഫയുടെ അഭിഭാഷകന് ചൂണ്ടിക്കാട്ടി..
അതേസമയം കുറ്റപത്രത്തില് വാദം ബോധിപ്പിക്കാതെ 3 തവണ സമയം തേടിയ പ്രതികള് കോടതി അന്ത്യശാസനം നല്കുമെന്ന ഘട്ടമെത്തിയപ്പോഴാണ് ഹര്ജി ഫയല് ചെയ്തത്. ബഷീര് കൊല്ലപ്പെട്ട് ആഗസ്റ്റ് 2 ന് രണ്ടു വര്ഷം തികയുന്ന സാഹചര്യത്തിലാണ് വിചാരണ നടപടികള് തുടങ്ങിയത്. 2020 ഫെബ്രുവരി മാസം 3 നാണ് പ്രത്യേക അന്വേഷണ സംഘം കുറ്റപത്രം സമര്പ്പിച്ചത്.
https://www.facebook.com/Malayalivartha
