വി.എസ്. എന്ന വി.എസ്. അച്യുതാനന്ദന്‍ ഇന്ന് നൂറാം വയസിലേക്ക് കടക്കുകയാണ്. ഇപ്പോഴും വി.എസ്. ഒരു വികാരമാണ്. അദ്ദേഹമിപ്പോള്‍ വിശ്രമത്തിലാണ്. പക്ഷേ, ഒരു നൂറ്റാണ്ട് തികയ്ക്കുന്ന ആ ആവേശത്തിന് ജനഹൃദയങ്ങളില്‍ വിശ്രമമില്ല. നിരവധിപേരാണ് പ്രിയ സഖാവിന് ആശംസകൾ നേർന്നുകൊണ്ട് രംഗത്ത് എത്തുന്നത്. പേരിനൊപ്പം ആത്മാർത്ഥമായി സഖാവ് എന്ന പദം ചേർത്തെഴുതാൻ, ഹൃദയത്തിനുള്ളിൽ നിന്നും സഖാവേ എന്നു നീട്ടിവിളിക്കാൻ തോന്നുന്ന ഒരേ ഒരു മനുഷ്യൻ- സഖാവ് വി. എസ്.അച്യുതാനന്ദൻ എന്ന് കുറിക്കുകയാണ് അഞ്ജു പാർവതി പ്രഭീഷ്.

ഫേസ്ബുക്ക് കുറിപ്പ് ഇങ്ങനെ;

പേരിനൊപ്പം ആത്മാർത്ഥമായി സഖാവ് എന്ന പദം ചേർത്തെഴുതാൻ, ഹൃദയത്തിനുള്ളിൽ നിന്നും സഖാവേ എന്നു നീട്ടിവിളിക്കാൻ തോന്നുന്ന ഒരേ ഒരു മനുഷ്യൻ- സഖാവ് വി. എസ്.അച്യുതാനന്ദൻ!! രാഷ്ട്രീയവൈരുദ്ധ്യങ്ങൾക്കപ്പുറത്തെ ആ വേലിക്കെട്ടിൽ നിന്നുക്കൊണ്ട് എന്നും ഏറെ സ്നേഹത്തോടെയും, ആദരവോടെയും മാത്രം ഹൃദയത്തിൽ ചേർത്ത ഒരേ ഒരു കമ്മ്യൂണിസ്റ്റ് നേതാവ്. !

പ്രതിപക്ഷ നേതാവായിക്കൊള്ളട്ടെ മുഖ്യമന്ത്രിയായിക്കൊള്ളട്ടെ വേലിക്കകത്ത് ശങ്കരന്‍ അച്യുതാനന്ദന്‍ എന്ന കറ തീര്‍ന്ന കമ്മ്യൂണിസ്റ്റ് പലപ്പോഴും പാർട്ടി വരച്ച ലക്ഷ്മണരേഖയ്ക്കപ്പുറം നിന്ന് വോട്ട് ബാങ്ക് രാഷ്ട്രീയത്തിൽ മയങ്ങിയവർ പറയാൻ മടിച്ച സത്യങ്ങൾ ധീരമായി പറഞ്ഞിരുന്നു. ചിലപ്പോഴെങ്കിലും ശക്തമായി നിലപാട് എടുത്തിരുന്നു. കേരളരാഷ്ട്രീയത്തിലെ , കമ്മ്യൂണിസ്റ്റ് പാർട്ടിക്കകത്തെ പകരം വെയ്ക്കാനില്ലാത്ത ക്രൗഡ് പുള്ളർ ആണദ്ദേഹം ഈ നിമിഷം വരെയും!

കാലമെത്ര കഴിഞ്ഞാലും നിലപാടുകളിലെ ചില ശരികൾ കൊണ്ട് വി എസ് എന്ന രണ്ടക്ഷരം ജനങ്ങളുടെ മനസില്‍ തന്നെയുണ്ടാവും. കേരളത്തിലെ കമ്മ്യൂണിസ്റ്റ് ചരിത്രത്തിലെ നല്ലൊരു നാമമായി വി.എസ് എന്ന ചുരുക്കെഴുത്ത് നിലനില്ക്കും. ചി ലര്‍ക്കുവേണ്ടി മാത്രം കാലം കാത്തുവെക്കുന്ന നീതിയാണത്.

Everyone may be called "comrade," but some comrades have the power of life and death over other comrades തിളച്ചവെയിലിന്റെ സായന്തനത്തിലും പോരാട്ടവീര്യം കെടാത്ത കനലായി സൂക്ഷിക്കുന്ന പ്രിയ നേതാവിന് ജന്മദിനാശംസകൾ!
#VSAchuthanandan